హమ్మయ్య అనుకుంటోన్న మెహ్రీన్

తెలుగు తెరకి పరిచయమైన అందమైన కథానాయికలలో మెహ్రీన్ ఒకరు. ఆరంభంలో మెహ్రీన్ వరుస విజయాలను అందుకుంది. దాంతో ఆమె జోరు ఒక రేంజ్ లో కొనసాగుతుందని భావించారు. అయితే ఆ వెంటనే ఆమెను పరాజయాలు పలకరించడం మొదలైంది. వరుస పరాజయాలు ఆమెను ఉక్కిరిబిక్కిరి చేస్తూ వచ్చాయి.

దాంతో అంతా కూడా మెహ్రీన్ పని అయిపోయిందని అనుకున్నారు. ఇలాంటి పరిస్థితుల్లోనే ఆమెను 'ఎఫ్ 2' విజయం ఆదుకుంది. సంక్రాంతి కానుకగా విడుదలైన 'ఎఫ్ 2' .. భారీ విజయాన్ని సొంతం చేసుకోవడమే కాకుండా, నటన పరంగా కూడా మెహ్రీన్ కి మంచి మార్కులను తెచ్చిపెట్టడంతో ఆమె హమ్మయ్య అనుకుంటోందట.

ఈ సినిమాలో 'హనీ' పాత్రలో ఆమె చేసిన సందడి అంతా ఇంతా కాదు. ఆమె కెరియర్లో ఇంతవరకూ చేసిన పాత్రల్లో 'హనీ' ముందు వరుసలో కనిపిస్తుంది. ఈ సినిమా హిట్ తో మెహ్రీన్ మరింత బిజీ కావడం ఖాయమనే అభిప్రాయాలు వ్యక్తమవుతున్నాయి.