తిరుమలలో ఆభరణాల మాయంపై విచారణ జరగాలని ఏపీ బీజేపీ అధ్యక్షుడు కన్నా లక్ష్మీనారాయణ డిమాండ్ చేశారు. బీజేపీ జాతీయ అధ్యక్షుడు అమిత్ షా ను ఢిల్లీలోఈరోజు ఆయన కలిశారు. అనంతరం, మీడియాతో మాట్లాడుతూ, రమణదీక్షితులు చేస్తున్న ఆరోపణలకు ప్రభుత్వం సమాధానం చెప్పాలని, ఈ విషయమై సీబీఐ దర్యాప్తునకు ప్రభుత్వం ఎందుకు భయపడుతోందో అర్థం కావడం లేదని అన్నారు.

వజ్రం మాయమవడంపై ప్రభుత్వం రకరకాల వాదనలు చేస్తోందని, భక్తుల అనుమానాలను నివృత్తి చేసేందుకు సీబీఐ దర్యాప్తు జరపాలని డిమాండ్ చేశారు. ఈ నెల 26న ఏపీ బీజేపీ అధ్యక్షుడిగా బాధ్యతలు చేపడతానని, బీజేపీ ప్రభుత్వం ఏర్పడి నాలుగేళ్లు పూర్తయిన సందర్భంగా అదే రోజున గుంటూరులో భారీ బహిరంగసభ నిర్వహిస్తామని తెలిపారు.