3 రోజుల్లో 'భరత్ అనే నేను'కి 120 కోట్లు .. 200 కోట్ల దిశగా పరుగులు

ఆమధ్య వరుసగా రెండు పరాజయాలతో అభిమానులను నిరాశ పరిచిన మహేశ్ బాబు, తాజాగా 'భరత్ అనే నేను'తో భారీ హిట్ ను అందించాడు. దాంతో అభిమానులు సంతోషంతో సంబరాలు జరుపుకుంటున్నారు. తొలి రెండు రోజుల్లోనే ఈ సినిమా 100 కోట్ల గ్రాస్ ను వసూలు చేసింది. 'రంగస్థలం' సినిమా మూడున్నర రోజుల్లో సాధించిన వసూళ్లను 'భరత్ అనే నేను' రెండు రోజుల్లోనే వసూలు చేయడం విశేషం.

ఇక మూడు రోజుల్లో ఈ సినిమా 120 కోట్ల గ్రాస్ ను .. 75 కోట్ల షేర్ ను సాధించింది. 'బాహుబలి' విషయం అటుంచితే ఇంతవరకూ ఏ తెలుగు సినిమా కూడా 200 కోట్ల మార్క్ ను చేరుకోలేదు. 'రంగస్థలం' ఇంతవరకూ 185 కోట్లకి పైగా రాబట్టింది. 'భరత్ అనే నేను' సినిమా దూకుడు ఒక రేంజ్ లో వుంది కనుక, ఈ సినిమా 200 కోట్ల మార్క్ ను క్రాస్ చేయవచ్చనే అభిప్రాయాలు వ్యక్తమవుతున్నాయి.