కడుపు రగులుతోంది.. గుండె మండుతోంది: సినీ నటుడు కృష్ణుడు భావోద్వేగం

'కడుపు రగులుతోంది.. గుండె మండుతోంది' అంటూ సినీనటుడు కృష్ణుడు ఫేస్‌బుక్‌లో ఆవేదన వ్యక్తం చేశాడు. సినీనటుడు, జనసేన అధినేత పవన్ కల్యాణ్‌పై యువనటి శ్రీరెడ్డి చేసిన వ్యాఖ్యలపై కృష్ణుడు స్పందిస్తూ.. 'ఆ మాట విన్న తర్వాత ఏం మాట్లాడాలో కూడా అర్థం కాని స్థితి నుండి కోలుకోవడానికి ఇంత సమయం పట్టింది. ఇంకా మసక మసకగా కనిపిస్తున్న స్క్రీన్ పై తడి ఆరని కళ్లతోనే ఈ మాటలు రాస్తున్నా. కడుపు రగిలిపోతోంది, గుండె మండిపోతోంది' అని పేర్కొన్నాడు.

ఆయన చేసిన వ్యాఖ్యలు యథాతథంగా..

ఒక సినిమా,
ఒక ఆడియో రీలీజ్‌,
ఒక ఇంటర్వ్యూ,
ఒక షార్ట్ ఫిల్మ్,
ఒక న్యూస్ ఛానెల్.
ప్రతీ ఒక్కడు.... ప్రతి ఒక్కడూ... పవన్ పేరుని వాడుకున్న ప్రతి ఒక్కడూ స్పందించాలి. మీ అభిమానముతోనో, మీ సినిమాకి హైప్ కోసమో, మీ ఇంటర్వ్యూ సక్సెస్ కోసమో ఆయన పేరు వాడుకున్న ప్రతి ఒక్కరు స్పందించాలి.

ముఖ్యంగా సినిమా ఇండస్ట్రీ స్పందించాలి..
ఇవాళ పవన్ కల్యాణ్ ని అన్నది, రేపు మిమ్మల్ని అంటుంది. మీరు స్పందించండి, అక్కడ పవన్ కల్యాణ్ ని అనలేదు, పవన్ తల్లిని అసభ్యంగా అన్నారు.
గొప్ప గొప్ప రచయితలు,
గొప్ప గొప్ప దర్శకులు,
గొప్ప గొప్ప లిరిసిస్ట్ లు
పెద్ద ప్రొడ్యూసర్లు,
పెద్ద దర్శకులు ఇవాళ పవన్ రేపు మీరు! మీ అమ్మల్ని, అక్కల్ని అనడానికి కూడా అది ఏ మాత్రం ఆలోచించదు. మా ఇండస్ట్రీ అంతా ఒక ఫ్యామిలీ, కళామ తల్లి ముద్దు బిడ్డలం అని చెప్పుకునే ప్రతి ఒక్కరూ గళం విప్పండి. సహనంతో ఉండే సమయం మించిపోయింది. ఓపికగా ఉండే హద్దులు పగిలిపోయాయ్. ఇక అడుగేయండి, ఒకే ఒక్క అడుగు.

అభిమానులు స్పందించండి...
ఇవాళ మా హీరో
రేపు మహేశ్ ఫాన్స్,
ఎల్లుండి ప్రభాస్ ఫాన్స్,
ఆ తర్వాత తారక్ ఫాన్స్
వదిలేస్తే మీదాక కూడా వస్తుంది. మీ హీరో మా హీరో కాదు, మన సినిమా వాళ్లు. మన ఇండస్ట్రీ గుర్తుంచుకోండి.

ఇప్పటికీ ఈ అగ్ర హీరోలపై శ్రీ రెడ్డి పోరాటం అంటుంది. కానీ, పవన్ కల్యాణ్‌ని ఆమె ఆ మాట అన్నట్లు న్యూస్‌లోనే కాదు కనీసం స్క్రోలింగ్ కూడా లేదు.

స్త్రీల గౌరవం కోసం పోరాడే మహిళా సంఘాలు ఎక్కడికి పోయాయి? పవన్ కల్యాణ్ అమ్మ కూడా ఒక స్త్రీనే! ఒక స్త్రీ గౌరవం కోసం స్పందించకపోతే మీరు చేసే పోరాటానికి అర్థమేముంది?

ప్రేక్షకులు, ప్రజలు కూడా స్పందించండి.. సినిమా వాళ్ళు ఏ ఆదివారమో, నెలకోసారో నువ్వూ నీ ఫ్యామిలీ సరదాగా హాల్ కెళ్తే మిమ్మల్ని నవ్వించే, ఆనందంగా ఇంటికి పంపించే సినిమా వాడు కదా మీరు కూడా స్పందించండి.

ఇప్పుడు నాకు భాస్కరభట్ల గారి మాటలు గుర్తొస్తున్నాయి...
' సరదాగా మీరంతా మా సినిమాలే చూస్తారండి
అయినా మేమంటే ఓ చిన్న చూపులేండి!'.