మేజర్ షెడ్యూల్ కోసం రంగంలోకి ప్రభాస్ .. కోట్ల ఖర్చుతో యాక్షన్ సీన్స్

ప్రభాస్ నటిస్తున్న 'సాహో' సినిమా టీమ్ మేజర్ షెడ్యూల్ షూటింగ్ కోసం చాలా రోజుల క్రితమే 'అబుదాబి' వెళ్లవలసి వుంది. అయితే కొన్ని కారణాల వలన ఈ షెడ్యూల్ వాయిదాపడుతూ వచ్చింది. ఎట్టకేలకు అక్కడి షెడ్యూల్ ను ఆరంభించే డేట్ ఖరారైంది.

 ఈ నెల 10వ తేదీ నుంచి 'అబుదాబి'లోని వివిధ ప్రాంతాల్లో రెగ్యులర్ షూటింగ్ జరగనుంది. బుర్జ్ ఖలీఫాతో పాటు మరికొన్ని ముఖ్యమైన లొకేషన్స్ లో 40 రోజుల పాటు ఈ షూటింగ్ జరగనుంది. హాలీవుడ్ స్టంట్ మాస్టర్ 'కెన్నీ బేట్స్' అధ్వర్యంలో భారీ యాక్షన్ ఎపిసోడ్స్ ను చిత్రీకరించనున్నారు. ఇందుకోసం హాలీవుడ్ స్థాయిలో కోట్ల రూపాయలను ఖర్చు చేయనున్నారట. ప్రభాస్ జోడీగా ఇందులో శ్రద్ధా కపూర్ కనిపించనున్న సంగతి తెలిసిందే.