బీజేపీ నేత భ‌ర‌త్‌రెడ్డి అవ‌మానించిన ద‌ళిత యువ‌కుల కేసులో మ‌రో కోణం!

గత నెలలో నిజామాబాద్‌ జిల్లాలోని నవీపేటలో బీజేపీ మాజీ నేత భరత్ రెడ్డి చేతిలో ఇద్ద‌రు దళిత యువ‌కులు చావుదెబ్బ‌లు తిన్న విష‌యం తెలిసిందే. 20 రోజుల నుంచి క‌నపడ‌కుండా పోయిన ఆ యువ‌కులని పోలీసులు హైదరాబాద్‌లో అదుపులోకి తీసుకొని విచారించారు. మొద‌ట త‌మ‌ను ఎవరూ కిడ్నాప్ చేయలేదని ఆ యువ‌కులు చెప్పారు. ఓ సినిమా షూటింగ్ కోసమే అలా దెబ్బ‌లు తిన్న‌ట్లు నటించామని చెప్పుకొచ్చారు.

అయితే, ఇప్పుడు అస‌లు నిజాన్ని బ‌య‌ట‌పెట్టారు. భ‌ర‌త్ రెడ్డి అనుచ‌రుల చేతిలో తమ ప్రాణాలు కాపాడుకోవడం కోసమే సినిమా షూటింగ్‌లో నటించామని అసత్యాలు చెప్పామ‌ని అన్నారు. ఓ లాయర్ త‌మ‌ను అలా చెప్పమన్నార‌ని, అందుకే అస‌త్యాలు చెప్పామ‌ని తెలిపారు. అంతేగాక‌, తమ సెల్‌ ఫోన్లు కూడా ఇప్పటికీ భరత్‌ రెడ్డి దగ్గరే ఉన్నాయని ఆ యువ‌కులు చెప్పారు.