టాలీవుడ్ హాట్ న్యూస్.. జూనియర్ ఎన్టీఆర్ సినిమాలో అభయ్ రామ్

ఫిల్మ్ నగర్ లో టాలీవుడ్ హాట్ న్యూస్ ఒకటి హల్ చల్ చేస్తోంది. పవన్ కల్యాణ్ ముఖ్య అతిథిగా విచ్చేయగా... జూనియర్ ఎన్టీఆర్, త్రివిక్రమ్ శ్రీనివాస్ కాంబినేషన్ లో సినిమా పూజాదికాలు పూర్తిచేసుకున్న సంగతి తెలిసిందే. ఈ వేడుకలో సెంటర్ ఆఫ్ అట్రాక్షన్ గా జూనియర్ ఎన్టీఆర్ కుమారుడు అభిరామ్ నిలిచాడు.

ఇక తాజా సమాచారం ప్రకారం, అభిరామ్ ను ఈ సినిమాలో నటింపజేయనున్నట్టు తెలుస్తోంది. తారక్ సినిమా షూటింగ్స్ లో సందడి చేసే అభిరామ్ ప్రత్యేక పాత్రలో నటించనున్నాడని తెలుస్తోంది. అయితే దీనిపై జూనియర్ నుంచి అధికారిక ప్రకటన వెలువడాల్సి ఉంది. కాగా, ఈమధ్యే విడుదలైన 'రాజా ది గ్రేట్' సినిమాలో రవితేజ కుమారుడు మహాధన్ వెండితెరకు పరిచయమై మంచి మార్కులు కొట్టేసిన సంగతి తెలిసిందే.