ఆ రాత‌లు ఎంతో బాధ క‌లిగిస్తున్నాయి!: ఏపీ సీఎం చంద్ర‌బాబు

తెలంగాణ నీటిని దొంగలిస్తున్నామ‌ని కొన్ని ప‌త్రిక‌లు రాస్తున్నాయని, ఆ రాత‌లు త‌న‌ను ఎంతో బాధ క‌లిగిస్తున్నాయని ఆంధ్ర‌ప్ర‌దేశ్ ముఖ్య‌మంత్రి చంద్ర‌బాబు నాయుడు అన్నారు. ఈ రోజు విజ‌య‌వాడ‌లో చంద్ర‌బాబు నాయుడు మీడియాతో మాట్లాడుతూ..  పెద్ద ఎత్తున అభివృద్ధి జ‌రుగుతోంటే జ‌గ‌న్ ఓర్వ‌లేక‌పోతున్నార‌ని అన్నారు. ప్ర‌భుత్వానికి వ్య‌తిరేకంగా ఆయ‌న ప‌త్రిక రాత‌లు రాస్తోంద‌ని మండిప‌డ్డారు.

నిబంధ‌న‌ల ప్ర‌కారం ఏ రాష్ట్రానికి వ‌చ్చే నీళ్ల‌ను ఆ రాష్ట్రం వాడుకుంటుంద‌ని చంద్రబాబు చెప్పారు. ప్ర‌తిప‌క్ష నేత‌లు రాక్ష‌స‌త్వంతో ప్ర‌వ‌ర్తిస్తున్నారని, వారు మ‌నుషులేనా అనిపిస్తోందని అన్నారు. వారు అన్ని ప్రాజెక్టుల‌కు అడ్డుత‌గిలారని, ఇలా తప్పుడు ప్ర‌చారాలు చేయ‌కూడ‌దని వ్యాఖ్యానించారు. క‌ఠిన నిర్ణ‌యాల‌తో తాము అవినీతిని కూడా అరిక‌డుతున్నామ‌ని చెప్పారు.