శ్రీలంక క్రికెట్ జట్టుకు మూలస్తంభంగా పరిగణించే వెటరన్ బ్యాట్స్ మన్ కుమార్ సంగక్కర (37) మరో అరుదైన మైలురాయిని చేరుకున్నాడు. టెస్టుల్లో 12,000 పరుగులు సాధించిన బ్యాట్స్ మెన్ క్లబ్బులో అడుగుపెట్టాడు. టెస్టుల్లో 12 వేల పరుగులు సాధించిన క్రికెటర్ల జాబితాలో ఈ దిగ్గజం ఐదో వాడు. న్యూజిలాండ్ తో వెల్లింగ్టన్ లో జరుగుతున్న టెస్టులో ట్రెంట్ బౌల్ట్ విసిరిన బంతికి రెండు పరుగులు తీయడం ద్వారా సంగా ఈ ఘనత సాధించాడు. టెస్టుల్లో అత్యధిక వ్యక్తిగత పరుగులు చేసిన వారి జాబితాలో మాస్టర్ బ్లాస్టర్ సచిన్ టెండూల్కర్ (15,921) అగ్రస్థానంలో ఉన్నాడు. 200 టెస్టులాడిన సచిన్ 53.78 సగటుతో ఈ పరుగులు సాధించడం విశేషం. ఆ తర్వాత 'టాప్ ఫైవ్' లో రికీ పాంటింగ్ (13,378), జాక్వెస్ కలిస్ (13,289), రాహుల్ ద్రావిడ్ (13,288) ఉన్నారు.