ఆఫ్ఘనిస్తాన్ రాజధాని కాబూల్ లో పేరొందిన రెస్టారెంట్ లో తాలిబాన్ ఆత్మాహుతి దళ సభ్యుడు దాడికి పాల్పడడంతో 21 మంది మృత్యువాత పడ్డారు. విదేశీయులు ఎక్కువగా బసచేసే హోటల్ ను ఎంచుకుని పక్కా ప్రణాళికతో దాడికి దిగినట్టు అధికార వర్గాలు వెల్లడించాయి. మృత్యువాత పడిన వారిలో యూఎస్, ఐఎమ్ఎఫ్ సిబ్బంది ఉన్నట్టు సమాచారం. కాగా 21 మంది మృతుల్లో 13 మంది విదేశీయులు కావడం విషాదం అని అమెరికా దౌత్యాధికారి ట్విట్టర్లో పేర్కొన్నారు.