రష్యాకు అమెరికా భద్రతా సాయం అందించేందుకు ముందుకు వచ్చింది. నూతన సంవత్సర వేడుకలకు ముందు రష్యాలోని వోల్గోగ్రాండ్ లో చోటుచేసుకున్న బాంబుపేలుళ్ల నేపథ్యంలో సోచిలో జరగనున్న వింటర్ ఒలింపిక్స్ కు రష్యాకు అమెరికా భద్రతా సహాయం చేసేందుకు సిద్ధమని ప్రకటించింది. ఈ మేరకు రష్యా ప్రతినిధులతో అమెరికా రక్షణశాఖ కార్యదర్శి చుక్ హాగెల్ మాట్లాడినట్టు పెంటగాన్ తెలిపింది. ఫిబ్రవరి 7 నుంచి 23 వరకు సోచిలో జరగనున్న వింటర్ ఒలిపింక్స్ లో భద్రతా సాయం కావాలని రష్యా కోరితే సాయమందించేందుకు తాము సిద్ధంగా ఉన్నామని అమెరికా తెలిపింది.