మరో మూడు నెలల్లో దేశంలో జరగనున్న లోక్ సభ ఎన్నికలకు ఆమ్ ఆద్మీ పార్టీ సిద్ధమవుతున్న సంగతి తెలిసిందే. లోక్ సభ ఎన్నికల్లో అన్ని రాష్ట్రాల నుంచి ఏఏపీ పోటీ చేస్తుందని ఆ పార్టీ నేత ప్రశాంత్ భూషణ్ తెలిపారు. ఈ మేరకు ఆయా రాష్ట్ర, జిల్లా స్థాయుల్లో పోటీచేసే అభ్యర్థులను క్షుణ్ణంగా పరిశీలించిన తర్వాతే వారిని తీసుకుంటామన్నారు. దేశంలో కాంగ్రెస్, బీజేపీకు ప్రత్యామ్నాయాన్ని ప్రజలు కోరుకుంటున్నారన్నారు.