భోపాల్లో 'పెద్ది కి ఆవాజ్'.. అభిమాన సంద్రం మధ్య అట్టహాసంగా ఈవెంట్!
- భోపాల్లో అంగరంగ వైభవంగా పెద్ది కి ఆవాజ్ ఈవెంట్
- ఏఆర్ రెహమాన్ సంగీత ప్రదర్శన
- వీడియో సాంగ్ను విడుదల చేయనున్న చిత్ర బృందం
- రామ్ చరణ్, జాన్వీ కపూర్ల రాకతో అభిమానుల్లో భారీ ఉత్సాహం
- జూన్ 4న ప్రపంచవ్యాప్తంగా విడుదల కానున్న పెద్ది సినిమా
ఈ ఈవెంట్కు ఆస్కార్ విజేత ఏఆర్ రెహమాన్ సంగీత ప్రదర్శన ప్రధాన ఆకర్షణగా నిలవనుంది. ఆయన తన టీమ్తో కలిసి లైవ్లో "చికిరి చికిరి", "రై రై రా రా" వంటి పెద్ది చిత్రంలోని పాటలతో పాటు పలు హిట్ గీతాలను ఆలపించనున్నారు.
ఇదే వేదికపై, ఎంతో ఆసక్తిగా ఎదురుచూస్తున్న ఓ సాంగ్ను 'పెద్ది' చిత్ర బృందం విడుదల చేయనుంది. ఈ కార్యక్రమంలో హీరో రామ్ చరణ్ గ్రాండ్ ఎంట్రీ ఇవ్వగా, అభిమానులు భారీ కేరింతలతో స్వాగతం పలికారు. హీరోయిన్ జాన్వీ కపూర్ తదితరులు ఈవెంట్ కు హాజరయ్యారు. యూవీ మీడియా, వృద్ధి సినిమాస్, మైత్రీ మూవీ మేకర్స్ సంయుక్తంగా నిర్వహించిన ఈ ఈవెంట్, జూన్ 4న విడుదల కానున్న "పెద్ది"పై అంచనాలను తారాస్థాయికి చేర్చనుంది.
