టీవీకే పార్టీకి మద్దతు ఇచ్చేందుకు వామపక్షాల సమ్మతి.. ఈ సాయంత్రం గవర్నర్ వద్దకు విజయ్
- ప్రభుత్వ ఏర్పాటుకు అవసరమైన మేజిక్ ఫిగర్.. 118
- సాయంత్రం గవర్నర్తో భేటీ కానున్న నటుడు విజయ్
- అసెంబ్లీ ఎన్నికల్లో అతిపెద్ద పార్టీగా అవతరించిన టీవీకే
- కాంగ్రెస్ తర్వాత మద్దతు ప్రకటించిన వామపక్ష, దళిత పార్టీలు
తమిళనాడు రాజకీయాల్లో కీలక పరిణామం చోటుచేసుకుంది. నటుడు విజయ్ నేతృత్వంలోని తమిళగ వెట్రి కళగం (టీవీకే) పార్టీకి ప్రభుత్వ ఏర్పాటుకు మార్గం సుగమమైంది. సీపీఐ, సీపీఎం తాజాగా టీవీకేకు మద్దతు ఇచ్చేందుకు అంగీకరించాయి. వీసీకే ఇంకా మద్దతు ప్రకటించాల్సి ఉంది. ఈ క్రమంలో విజయ్, ఈరోజు సాయంత్రం 4:30 గంటలకు గవర్నర్ను కలవనున్నారు.
ఇటీవల జరిగిన అసెంబ్లీ ఎన్నికల్లో టీవీకే 108 స్థానాల్లో గెలిచి అతిపెద్ద పార్టీగా అవతరించిన విషయం తెలిసిందే. విజయ్ రెండు చోట్ల గెలవడం వల్ల ఎమ్మెల్యేల సంఖ్యాపరంగా టీవీకే బలం 107 మాత్రమే. ఈ నేపథ్యంలో, ప్రభుత్వ ఏర్పాటుకు అవసరమైన 118 మ్యాజిక్ ఫిగర్కు కొద్ది దూరంలో నిలిచిపోయింది. ఐదుగురు ఎమ్మెల్యేలున్న కాంగ్రెస్ పార్టీ ఇప్పటికే మద్దతు ప్రకటించడంతో టీవీకే బలం 112కు చేరింది. తాజాగా సీపీఐ (2), సీపీఎం (2) పార్టీలు మద్దతు ఇవ్వడంతో ఆ సంఖ్య 116కి చేరింది. ఇద్దరు ఎమ్మెల్యేలున్న వీసీకే కూడా మద్దతిస్తే మ్యాజిక్ ఫిగర్ ను అందుకున్నట్టవుతుంది.
ఎమ్మెల్యేల మద్దతు లేఖతో విజయ్ గవర్నర్ను కలిసి ప్రభుత్వ ఏర్పాటుకు అవకాశం ఇవ్వాలని కోరనున్నారు.
ఇటీవల జరిగిన అసెంబ్లీ ఎన్నికల్లో టీవీకే 108 స్థానాల్లో గెలిచి అతిపెద్ద పార్టీగా అవతరించిన విషయం తెలిసిందే. విజయ్ రెండు చోట్ల గెలవడం వల్ల ఎమ్మెల్యేల సంఖ్యాపరంగా టీవీకే బలం 107 మాత్రమే. ఈ నేపథ్యంలో, ప్రభుత్వ ఏర్పాటుకు అవసరమైన 118 మ్యాజిక్ ఫిగర్కు కొద్ది దూరంలో నిలిచిపోయింది. ఐదుగురు ఎమ్మెల్యేలున్న కాంగ్రెస్ పార్టీ ఇప్పటికే మద్దతు ప్రకటించడంతో టీవీకే బలం 112కు చేరింది. తాజాగా సీపీఐ (2), సీపీఎం (2) పార్టీలు మద్దతు ఇవ్వడంతో ఆ సంఖ్య 116కి చేరింది. ఇద్దరు ఎమ్మెల్యేలున్న వీసీకే కూడా మద్దతిస్తే మ్యాజిక్ ఫిగర్ ను అందుకున్నట్టవుతుంది.
ఎమ్మెల్యేల మద్దతు లేఖతో విజయ్ గవర్నర్ను కలిసి ప్రభుత్వ ఏర్పాటుకు అవకాశం ఇవ్వాలని కోరనున్నారు.
