Salman Ali Agha: పాక్-బంగ్లా మ్యాచ్లో వివాదం.. బంతి అందిస్తుంటే రనౌట్ చేసిన బౌలర్!
పాకిస్థాన్, బంగ్లాదేశ్ జట్ల మధ్య నిన్న ఢాకాలో జరిగిన రెండో వన్డే మ్యాచ్ తీవ్ర వివాదాస్పదంగా మారింది. పాకిస్థాన్ బ్యాటర్ సల్మాన్ అలీ అఘాను అనూహ్య రీతిలో రనౌట్ చేయడం క్రీడా వర్గాల్లో పెద్ద చర్చకు దారితీసింది. క్రీడాస్ఫూర్తికి విరుద్ధంగా బంగ్లాదేశ్ ఆటగాడు వ్యవహరించిన తీరుపై విమర్శలు వెల్లువెత్తుతున్నాయి.
ఈ మ్యాచ్లో తొలుత బ్యాటింగ్ చేసిన పాకిస్థాన్ జట్టు 274 పరుగులకు ఆలౌట్ అయింది. మాజ్ సదాఖత్ (75), సల్మాన్ అలీ అఘా (64) కీలక ఇన్నింగ్స్లతో జట్టుకు పోటీ ఇవ్వగల స్కోరును అందించారు. అయితే, పాక్ ఇన్నింగ్స్ 39వ ఓవర్లో ఈ వివాదాస్పద ఘటన చోటుచేసుకుంది.
ఆ ఓవర్లోని నాలుగో బంతిని మహ్మద్ రిజ్వాన్ బౌలర్ మెహిదీ హసన్ మిరాజ్కు కుడివైపుగా ఆడాడు. ఆ సమయంలో నాన్-స్ట్రైకర్ ఎండ్లో ఉన్న సల్మాన్ క్రీజు బయటకు రాగా, బంతిని అందుకునే ప్రయత్నంలో ఉన్న బౌలర్ మిరాజ్ను ఢీకొన్నాడు. దీంతో బంతి అక్కడే ఆగిపోయింది. బంతి డెడ్ అయిందని భావించిన సల్మాన్, దాన్ని చేత్తో తీసుకుని మర్యాదపూర్వకంగా మిరాజ్కు అందించేందుకు ప్రయత్నించాడు.
అయితే, ఈ అవకాశాన్ని అందిపుచ్చుకున్న మిరాజ్ వెంటనే బంతిని చేజిక్కించుకుని వికెట్లను పడగొట్టాడు. సల్మాన్ క్రీజుకు దూరంగా ఉండటంతో అప్పీల్ చేశాడు. ఈ అనూహ్య పరిణామంతో దిగ్భ్రాంతికి గురైన సల్మాన్ చూస్తుండగానే, ఫీల్డ్ అంపైర్లు నిర్ణయాన్ని థర్డ్ అంపైర్కు నివేదించారు. రిప్లేలను పరిశీలించిన థర్డ్ అంపైర్, సల్మాన్ను రనౌట్గా ప్రకటించారు.
ఈ నిర్ణయంతో తీవ్ర ఆగ్రహానికి గురైన సల్మాన్, మిరాజ్తో వాగ్వాదానికి దిగాడు. తీవ్ర అసహనంతో మైదానం వీడుతూ తన హెల్మెట్, గ్లోవ్స్ను నేలకేసి కొట్టాడు. పాక్ సహచర ఆటగాళ్లు అతడికి సర్దిచెప్పే ప్రయత్నం చేశారు. మరోవైపు బంగ్లా ఆటగాళ్లు కూడా ఉద్వేగంగా కనిపించిన మిరాజ్ను శాంతపరిచేందుకు ప్రయత్నించడం కనిపించింది. ఈ ఘటన ప్రస్తుతం క్రికెట్ ప్రపంచంలో క్రీడాస్ఫూర్తిపై కొత్త చర్చకు దారితీసింది.
ఈ మ్యాచ్లో తొలుత బ్యాటింగ్ చేసిన పాకిస్థాన్ జట్టు 274 పరుగులకు ఆలౌట్ అయింది. మాజ్ సదాఖత్ (75), సల్మాన్ అలీ అఘా (64) కీలక ఇన్నింగ్స్లతో జట్టుకు పోటీ ఇవ్వగల స్కోరును అందించారు. అయితే, పాక్ ఇన్నింగ్స్ 39వ ఓవర్లో ఈ వివాదాస్పద ఘటన చోటుచేసుకుంది.
ఆ ఓవర్లోని నాలుగో బంతిని మహ్మద్ రిజ్వాన్ బౌలర్ మెహిదీ హసన్ మిరాజ్కు కుడివైపుగా ఆడాడు. ఆ సమయంలో నాన్-స్ట్రైకర్ ఎండ్లో ఉన్న సల్మాన్ క్రీజు బయటకు రాగా, బంతిని అందుకునే ప్రయత్నంలో ఉన్న బౌలర్ మిరాజ్ను ఢీకొన్నాడు. దీంతో బంతి అక్కడే ఆగిపోయింది. బంతి డెడ్ అయిందని భావించిన సల్మాన్, దాన్ని చేత్తో తీసుకుని మర్యాదపూర్వకంగా మిరాజ్కు అందించేందుకు ప్రయత్నించాడు.
అయితే, ఈ అవకాశాన్ని అందిపుచ్చుకున్న మిరాజ్ వెంటనే బంతిని చేజిక్కించుకుని వికెట్లను పడగొట్టాడు. సల్మాన్ క్రీజుకు దూరంగా ఉండటంతో అప్పీల్ చేశాడు. ఈ అనూహ్య పరిణామంతో దిగ్భ్రాంతికి గురైన సల్మాన్ చూస్తుండగానే, ఫీల్డ్ అంపైర్లు నిర్ణయాన్ని థర్డ్ అంపైర్కు నివేదించారు. రిప్లేలను పరిశీలించిన థర్డ్ అంపైర్, సల్మాన్ను రనౌట్గా ప్రకటించారు.
ఈ నిర్ణయంతో తీవ్ర ఆగ్రహానికి గురైన సల్మాన్, మిరాజ్తో వాగ్వాదానికి దిగాడు. తీవ్ర అసహనంతో మైదానం వీడుతూ తన హెల్మెట్, గ్లోవ్స్ను నేలకేసి కొట్టాడు. పాక్ సహచర ఆటగాళ్లు అతడికి సర్దిచెప్పే ప్రయత్నం చేశారు. మరోవైపు బంగ్లా ఆటగాళ్లు కూడా ఉద్వేగంగా కనిపించిన మిరాజ్ను శాంతపరిచేందుకు ప్రయత్నించడం కనిపించింది. ఈ ఘటన ప్రస్తుతం క్రికెట్ ప్రపంచంలో క్రీడాస్ఫూర్తిపై కొత్త చర్చకు దారితీసింది.
