కర్ణాటకలో ఇంటి ఆవరణలో ఆరు కొండచిలువలు

కర్ణాటకలోని కార్వార్‌లో ఒక ఇంటి ఆవరణలో ఆరు కొండచిలువలు కనిపించడం స్థానిక ప్రజలను భయాందోళనకు గురి చేసింది. కార్వార్ పట్టణంలోని కతినకోన ప్రాంతంలో నివాసం ఉంటున్న విజయ్ కాలేకర్ ఇంటి ఆవరణలో ఈ కొండచిలువ పాములు కనిపించాయి. ఇంటి బయట ఉంచిన ఇనుప సామగ్రి వద్ద వీటిని గుర్తించారు.

ఆదివారం రోజు ఇనుప సామగ్రి వద్ద ఏదో కదులుతున్నట్లుగా గుర్తించిన విజయ్ కాలేకర్ కుటుంబసభ్యులు దగ్గరకు వెళ్లి చూడగా కొండచిలువలు కనిపించాయి. ఆరు కొండచిలువలు ఒక్కొక్కటి 8 నుంచి 12 అడుగుల పొడవు ఉన్నట్టు గుర్తించారు. వెంటనే అటవీ సిబ్బందికి సమాచారం అందించగా, అధికారులు వాటిని పట్టుకుని సమీప అటవీ ప్రాంతంలో విడిచిపెట్టారు.