Armenia: జులై వరకు ఈ దేశానికి వీసా లేకుండానే వెళ్లొచ్చట... ఎవరు అర్హులంటే...!
భారతీయ పాస్పోర్ట్ హోల్డర్లకు ఆర్మేనియా ప్రభుత్వం ఒక శుభవార్త అందించింది. పర్యాటకాన్ని ప్రోత్సహించే లక్ష్యంతో, కొన్ని షరతులకు లోబడి భారతీయులకు తాత్కాలిక వీసా రహిత ప్రవేశాన్ని ప్రకటించింది. ఈ విధానం ఈ ఏడాది జూలై 1 వరకు అమలులో ఉంటుంది. ఈ సమయంలో అర్హులైన భారతీయులు వీసా లేకుండానే ఆర్మేనియాలో ప్రవేశించి, ఏడాదికి గరిష్ఠంగా 180 రోజుల వరకు ఉండవచ్చు.
అయితే, ఈ అవకాశం భారత పాస్పోర్ట్ ఉన్న అందరికీ వర్తించదు. అమెరికా, యూరోపియన్ యూనియన్, షెంజెన్ దేశాలు, యూఏఈ, బహ్రెయిన్, ఖతార్, సౌదీ అరేబియా, కువైట్, ఒమన్ వంటి దేశాల్లో చెల్లుబాటు అయ్యే రెసిడెన్స్ పర్మిట్ (నివాస అనుమతి) ఉన్న భారతీయులు మాత్రమే ఈ వీసా మినహాయింపుకు అర్హులు. ప్రయాణికులు ఆర్మేనియాలో ప్రవేశించే నాటికి వారి రెసిడెన్స్ పర్మిట్ కనీసం ఆరు నెలల వ్యాలిడిటీ కలిగి ఉండటం తప్పనిసరి.
ఈ కొత్త విధానంపై ఆర్మేనియా టూరిజం కమిటీ చైర్పర్సన్ లుసిన్ గెవోర్గ్యాన్ మాట్లాడుతూ.. "ఇది ప్రయాణికులకు మా ఆహ్వానం. 2026లో మరింత మంది పర్యాటకులను స్వాగతించడానికి మేం సిద్ధంగా ఉన్నాం" అని తెలిపారు. ఈ నిర్ణయం ద్వారా పర్యాటకాన్ని పెంచడంతో పాటు, వ్యాపార, కుటుంబ పర్యటనలను సులభతరం చేయాలని ఆర్మేనియా ప్రభుత్వం భావిస్తోంది.
పురాతన ఆలయాలు, యునెస్కో వారసత్వ కట్టడాలు, అందమైన పర్వత ప్రాంతాలకు ఆర్మేనియా ప్రసిద్ధి. ముఖ్యంగా గల్ఫ్, అమెరికా, యూరప్ దేశాల్లో నివసిస్తున్న భారతీయులకు ఈ వీసా మినహాయింపు ఒక మంచి అవకాశంగా మారింది. ఇది తాత్కాలిక విధానం మాత్రమేనని, 2026 జూలై 1 తర్వాత సాధారణ వీసా నిబంధనలు తిరిగి వర్తిస్తాయని ప్రభుత్వం స్పష్టం చేసింది. మరిన్ని వివరాల కోసం ఆర్మేనియా విదేశాంగ శాఖ అధికారిక వెబ్సైట్ను సంప్రదించవచ్చు.
అయితే, ఈ అవకాశం భారత పాస్పోర్ట్ ఉన్న అందరికీ వర్తించదు. అమెరికా, యూరోపియన్ యూనియన్, షెంజెన్ దేశాలు, యూఏఈ, బహ్రెయిన్, ఖతార్, సౌదీ అరేబియా, కువైట్, ఒమన్ వంటి దేశాల్లో చెల్లుబాటు అయ్యే రెసిడెన్స్ పర్మిట్ (నివాస అనుమతి) ఉన్న భారతీయులు మాత్రమే ఈ వీసా మినహాయింపుకు అర్హులు. ప్రయాణికులు ఆర్మేనియాలో ప్రవేశించే నాటికి వారి రెసిడెన్స్ పర్మిట్ కనీసం ఆరు నెలల వ్యాలిడిటీ కలిగి ఉండటం తప్పనిసరి.
ఈ కొత్త విధానంపై ఆర్మేనియా టూరిజం కమిటీ చైర్పర్సన్ లుసిన్ గెవోర్గ్యాన్ మాట్లాడుతూ.. "ఇది ప్రయాణికులకు మా ఆహ్వానం. 2026లో మరింత మంది పర్యాటకులను స్వాగతించడానికి మేం సిద్ధంగా ఉన్నాం" అని తెలిపారు. ఈ నిర్ణయం ద్వారా పర్యాటకాన్ని పెంచడంతో పాటు, వ్యాపార, కుటుంబ పర్యటనలను సులభతరం చేయాలని ఆర్మేనియా ప్రభుత్వం భావిస్తోంది.
పురాతన ఆలయాలు, యునెస్కో వారసత్వ కట్టడాలు, అందమైన పర్వత ప్రాంతాలకు ఆర్మేనియా ప్రసిద్ధి. ముఖ్యంగా గల్ఫ్, అమెరికా, యూరప్ దేశాల్లో నివసిస్తున్న భారతీయులకు ఈ వీసా మినహాయింపు ఒక మంచి అవకాశంగా మారింది. ఇది తాత్కాలిక విధానం మాత్రమేనని, 2026 జూలై 1 తర్వాత సాధారణ వీసా నిబంధనలు తిరిగి వర్తిస్తాయని ప్రభుత్వం స్పష్టం చేసింది. మరిన్ని వివరాల కోసం ఆర్మేనియా విదేశాంగ శాఖ అధికారిక వెబ్సైట్ను సంప్రదించవచ్చు.
