Janhvi Kapoor: 'పరమ్ సుందరి'లో తన పాత్రపై విమర్శలు... జాన్వీ కపూర్ స్పందన
- 'పరమ్ సుందరి'లో మలయాళీ పాత్రపై జాన్వీకి విమర్శలు
- ఉత్తరాది నటిని ఎందుకు ఎంచుకున్నారని నెటిజన్ల ప్రశ్న
- ట్రోల్స్పై స్పందించిన బాలీవుడ్ అందాల భామ
- మా అమ్మ శ్రీదేవి కూడా మలయాళీ కాదన్న జాన్వీ
- కేరళ సంస్కృతికి నేను పెద్ద అభిమానినని వెల్లడి
- ఈ నెల 29న రానున్న సినిమా
బాలీవుడ్ యువ నటి జాన్వీ కపూర్ తన తాజా చిత్రం ‘పరమ్ సుందరి’ విషయంలో ఎదురవుతున్న విమర్శలపై స్పందించారు. కేరళ నేపథ్యంలో సాగే ఈ సినిమాలో మలయాళీ యువతి పాత్రలో ఉత్తరాదికి చెందిన జాన్వీ నటించడంపై సోషల్ మీడియాలో కొందరు అభ్యంతరం వ్యక్తం చేస్తున్నారు. ఈ ట్రోల్స్కు ఆమె తనదైన శైలిలో సమాధానమిచ్చారు. ఈ క్రమంలో తన తల్లి, దివంగత నటి శ్రీదేవిని గుర్తుచేసుకున్నారు.
‘పరమ్ సుందరి’ సినిమా ప్రమోషన్లలో భాగంగా ఓ ఇంటర్వ్యూలో మాట్లాడిన జాన్వీ, "నేను మలయాళీ అమ్మాయిని కాదన్నది నిజమే. కానీ మా అమ్మ శ్రీదేవి కూడా మలయాళీ కాదు. అయినప్పటికీ ఆమె దక్షిణాది చిత్రాల్లో ఎంతో గొప్ప పేరు తెచ్చుకున్నారు. నాకు కేరళ సంస్కృతి అంటే ఎంతో ఇష్టం, మలయాళ సినిమాలకు నేను పెద్ద అభిమానిని" అని తెలిపారు. ఈ సినిమాలో తాను కేవలం మలయాళీగానే కాకుండా, తమిళ యువతిగా కూడా కనిపిస్తానని ఆమె స్పష్టం చేశారు. ఇది కేవలం వినోదం కోసం తీసిన చిత్రమని, ఇందులో భాగం కావడం సంతోషంగా ఉందని అన్నారు.
ఇటీవల విడుదలైన ‘పరమ్ సుందరి’ ట్రైలర్ తర్వాత జాన్వీపై విమర్శలు మొదలయ్యాయి. "మలయాళ నటీమణులు అందుబాటులో లేరా?" అంటూ గాయని పవిత్రా మేనన్తో సహా పలువురు నెటిజన్లు ప్రశ్నించారు. ఈ నేపథ్యంలోనే జాన్వీ ఈ వ్యాఖ్యలు చేశారు.
తుషార్ జలోటా దర్శకత్వం వహించిన ఈ చిత్రంలో సిద్ధార్థ్ మల్హోత్రా కథానాయకుడిగా నటిస్తున్నారు. కేరళకు చెందిన సుందరి దామోదరం పిళ్లై (జాన్వీ), దిల్లీకి చెందిన పరమ్ సచ్దేవ్ (సిద్ధార్థ్) మధ్య సాగే ప్రేమకథే ఈ సినిమా. ఆగస్టు 29న ఈ చిత్రం ప్రేక్షకుల ముందుకు రానుంది. ట్రైలర్లో జాన్వీ చెప్పిన "కేరళ.. మలయాళం మోహన్ లాల్, తమిళనాడు.. తమిళ్ రజనీకాంత్, ఆంధ్ర.. తెలుగు అల్లు అర్జున్" అనే డైలాగ్ బాగా ప్రాచుర్యం పొందింది.
‘పరమ్ సుందరి’ సినిమా ప్రమోషన్లలో భాగంగా ఓ ఇంటర్వ్యూలో మాట్లాడిన జాన్వీ, "నేను మలయాళీ అమ్మాయిని కాదన్నది నిజమే. కానీ మా అమ్మ శ్రీదేవి కూడా మలయాళీ కాదు. అయినప్పటికీ ఆమె దక్షిణాది చిత్రాల్లో ఎంతో గొప్ప పేరు తెచ్చుకున్నారు. నాకు కేరళ సంస్కృతి అంటే ఎంతో ఇష్టం, మలయాళ సినిమాలకు నేను పెద్ద అభిమానిని" అని తెలిపారు. ఈ సినిమాలో తాను కేవలం మలయాళీగానే కాకుండా, తమిళ యువతిగా కూడా కనిపిస్తానని ఆమె స్పష్టం చేశారు. ఇది కేవలం వినోదం కోసం తీసిన చిత్రమని, ఇందులో భాగం కావడం సంతోషంగా ఉందని అన్నారు.
ఇటీవల విడుదలైన ‘పరమ్ సుందరి’ ట్రైలర్ తర్వాత జాన్వీపై విమర్శలు మొదలయ్యాయి. "మలయాళ నటీమణులు అందుబాటులో లేరా?" అంటూ గాయని పవిత్రా మేనన్తో సహా పలువురు నెటిజన్లు ప్రశ్నించారు. ఈ నేపథ్యంలోనే జాన్వీ ఈ వ్యాఖ్యలు చేశారు.
తుషార్ జలోటా దర్శకత్వం వహించిన ఈ చిత్రంలో సిద్ధార్థ్ మల్హోత్రా కథానాయకుడిగా నటిస్తున్నారు. కేరళకు చెందిన సుందరి దామోదరం పిళ్లై (జాన్వీ), దిల్లీకి చెందిన పరమ్ సచ్దేవ్ (సిద్ధార్థ్) మధ్య సాగే ప్రేమకథే ఈ సినిమా. ఆగస్టు 29న ఈ చిత్రం ప్రేక్షకుల ముందుకు రానుంది. ట్రైలర్లో జాన్వీ చెప్పిన "కేరళ.. మలయాళం మోహన్ లాల్, తమిళనాడు.. తమిళ్ రజనీకాంత్, ఆంధ్ర.. తెలుగు అల్లు అర్జున్" అనే డైలాగ్ బాగా ప్రాచుర్యం పొందింది.
