ప్రకాశం జిల్లాలో ప్రేమజంట ఆత్మహత్య

ప్రకాశం జిల్లాలో తీవ్ర విషాదం చోటుచేసుకుంది. తమ పెళ్లికి పెద్దలు అంగీకరించలేదన్న మనస్తాపంతో ఓ ప్రేమ జంట బలవన్మరణానికి పాల్పడింది. కొమరోలు మండలం అక్కపల్లె శివార్లలో ఆదివారం తెల్లవారుజామున ఈ దుర్ఘటన వెలుగులోకి వచ్చింది.

స్థానికులు అందించిన సమాచారంతో ఘటనా స్థలానికి చేరుకున్న పోలీసులు, చెట్టుకు ఉరివేసుకుని వేలాడుతున్న యువతీ యువకుడి మృతదేహాలను గుర్తించారు. మృతులను నంద్యాల జిల్లా, ప్యాపిలి మండలం మాధవరం గ్రామానికి చెందిన వారిగా గుర్తించారు. ఈ ఘటనపై కేసు నమోదు చేసుకుని, అన్ని కోణాల్లో దర్యాప్తు చేస్తున్నట్టు పోలీసులు వెల్లడించారు.