Kannappa Movie: 'కన్నప్ప' చిత్రంపై బ్రాహ్మణ సంఘాల ఫైర్
నటుడు మంచు విష్ణు ప్రతిష్ఠాత్మకంగా నిర్మిస్తున్న ‘కన్నప్ప’ సినిమా విడుదలకు ముందే వివాదాల్లో చిక్కుకుంది. ఈ చిత్రంలోని ‘పిలక’, ‘గిలక’ అనే పాత్రలు బ్రాహ్మణులను అవమానించేలా ఉన్నాయంటూ బ్రాహ్మణ సంఘాలు తీవ్ర అభ్యంతరం వ్యక్తం చేస్తున్నాయి. ఈ విషయమై విజయవాడ శంకర్ విలాస్ సెంటర్లో బ్రాహ్మణ చైతన్య వేదిక ఆధ్వర్యంలో శుక్రవారం నిరసన కార్యక్రమం చేపట్టారు. ఈ సందర్భంగా శివలింగానికి అభిషేకం చేసి తమ ఆవేదనను వ్యక్తం చేశారు.
బ్రాహ్మణ చైతన్య వేదిక అధ్యక్షుడు శ్రీధర్ ఈ సందర్భంగా మాట్లాడుతూ, గత కొంతకాలంగా మంచు కుటుంబం బ్రాహ్మణులను కించపరిచేలా వ్యవహరిస్తోందని ఆరోపించారు. ‘కన్నప్ప’ సినిమాలో ఉద్దేశపూర్వకంగానే ‘పిలక’, ‘గిలక’ అనే పాత్రలను సృష్టించి బ్రాహ్మణుల మనోభావాలను దెబ్బతీశారని ఆయన తీవ్ర ఆగ్రహం వ్యక్తం చేశారు. "ఇటీవల అధికారికంగా విడుదల చేసిన ఈ రెండు పాత్రలు బ్రాహ్మణులను కించపరిచేందుకే పెట్టారు. దీనిని తీవ్రంగా ఖండిస్తున్నాం" అని అన్నారు.
ఈ వివాదంపై తాము ఇప్పటికే హైకోర్టును ఆశ్రయించామని శ్రీధర్ తెలిపారు. "సినిమా ప్రీ రిలీజ్ ఈవెంట్లో ఆ రెండు పాత్రలను తొలగించినట్టు అధికారికంగా ప్రకటించాలి. లేనిపక్షంలో న్యాయస్థానం ద్వారా సినిమా విడుదలను అడ్డుకుంటాం" అంటూ ఆయన హెచ్చరించారు. ఈ నిరసనలపై ‘కన్నప్ప’ చిత్ర బృందం ఎలా స్పందిస్తుందోనన్నది ఆసక్తికరంగా మారింది.
బ్రాహ్మణ చైతన్య వేదిక అధ్యక్షుడు శ్రీధర్ ఈ సందర్భంగా మాట్లాడుతూ, గత కొంతకాలంగా మంచు కుటుంబం బ్రాహ్మణులను కించపరిచేలా వ్యవహరిస్తోందని ఆరోపించారు. ‘కన్నప్ప’ సినిమాలో ఉద్దేశపూర్వకంగానే ‘పిలక’, ‘గిలక’ అనే పాత్రలను సృష్టించి బ్రాహ్మణుల మనోభావాలను దెబ్బతీశారని ఆయన తీవ్ర ఆగ్రహం వ్యక్తం చేశారు. "ఇటీవల అధికారికంగా విడుదల చేసిన ఈ రెండు పాత్రలు బ్రాహ్మణులను కించపరిచేందుకే పెట్టారు. దీనిని తీవ్రంగా ఖండిస్తున్నాం" అని అన్నారు.
ఈ వివాదంపై తాము ఇప్పటికే హైకోర్టును ఆశ్రయించామని శ్రీధర్ తెలిపారు. "సినిమా ప్రీ రిలీజ్ ఈవెంట్లో ఆ రెండు పాత్రలను తొలగించినట్టు అధికారికంగా ప్రకటించాలి. లేనిపక్షంలో న్యాయస్థానం ద్వారా సినిమా విడుదలను అడ్డుకుంటాం" అంటూ ఆయన హెచ్చరించారు. ఈ నిరసనలపై ‘కన్నప్ప’ చిత్ర బృందం ఎలా స్పందిస్తుందోనన్నది ఆసక్తికరంగా మారింది.
