చంద్రయాన్-3: ఇస్రో బృందంలో నగరి మహిళా శాస్త్రవేత్త, రోజా ట్వీట్

చంద్రయాన్-3 ప్రయోగం విజయవంతం కావడంతో ఇస్రోకు ఏపీ మంత్రి రోజా శుభాకాంక్షలు తెలిపారు. నిన్న ప్రయోగం సక్సెస్ కాగానే రోజా శుభాకాంక్షలు తెలుపుతూ ట్వీట్ చేశారు. అయితే ఇస్రోలో నగరి నియోజకవర్గానికి చెందిన ఓ మహిళా శాస్త్రవేత్త ఉన్నారు. దీంతో రోజా నేడు మరోసారి ఆమెను విష్ చేస్తూ ట్వీట్ చేశారు.

ఇస్రోకు శుభాకాంక్షలు... ఈ ప్రయోగం భారత్‌కు ఎంతో గర్వకారణమని పేర్కొన్నారు. అపురూపమైన కలను సాకారం చేసిన శాస్త్రవేత్తల బృందానికి అభినందనలు తెలిపారు. ఈ బృందంలో ఆంధ్రప్రదేశ్ నగరి రూరల్ మండలం తడుకుపేటకు చెందిన అసిస్టెంట్ ప్రాజెక్ట్ డైరెక్టర్ కల్పన కాళహస్తి గారికి నా ప్రత్యేక శుభాకాంక్షలు అని ట్వీట్ చేశారు.