Vijay Sai Reddy: మీ నాన్నగారు మహానటులు.. మీరు కాదనుకున్నాం.. పురందేశ్వరిపై విజయసాయిరెడ్డి వ్యంగ్యాస్త్రాలు

ఏపీ బీజేపీ అధ్యక్షురాలు పురందేశ్వరిపై వైసీపీ రాజ్యసభ ఎంపీ విజయసాయిరెడ్డి సెటైర్లు వేశారు. బీజేపీ అంటే ‘బాబు జనతా పార్టీ’ కాదంటూ ఎద్దేవా చేశారు. ఎన్టీఆర్‌ మాత్రమే మహానటులని అనుకున్నామని, ఆయన కూతురు పురందేశ్వరి కాదనుకున్నామని విమర్శలు చేశారు. ఈ మేరకు ఆయన ట్వీట్‌ చేశారు. ‘‘అమ్మా పురందేశ్వరిగారు.. బీజేపీ అంటే “బాబు జనతా పార్టీ” కాదు! బాబుది స్క్రిప్ట్‌.. వదినది డైలాగ్‌! తండ్రి పెట్టిన పార్టీపై ప్రేమ.. మరిది కళ్లలో ఆనందమే టార్గెట్!” అని విజయసాయిరెడ్డి విమర్శించారు.