'వీరసింహా రెడ్డి' నుంచి మరో సాంగ్ వచ్చేస్తోంది .. ఎప్పుడంటే!

బాలయ్య అభిమానులు ఇప్పుడు ఫుల్ ఖుషీగా ఉన్నారు. ఆయన తాజా చిత్రమైన 'వీరసింహారెడ్డి' నుంచి ఇటీవల వదిలిన 'సుగుణ సుందరి' పాట ఒక రేంజ్ లో దూసుకెళుతోంది. రికార్డు స్థాయిలో ఈ మాస్ బీట్ వ్యూస్ ను రాబడుతోంది. ఈ నేపథ్యంలోనే ఆ తరువాత సాంగ్ రిలీజ్ గురించిన ఎనౌన్స్ మెంట్ వదిలారు. 

ఈ సినిమా కోసం తమన్ 'మా బావ మనోభావాలు' అనే పాటను స్వరపరిచాడు. ఈ పాటను ఈ నెల 24వ తేదీన మధ్యాహ్నం 3:19 నిమిషాలకు రిలీజ్ చేయనున్నారు. ఈ విషయాన్ని తెలియజేస్తూ, అందుకు సంబంధించిన పోస్టర్ ను వదిలారు. ఈ పాటను కూడా బాలకృష్ణ - శ్రుతి హాసన్ బృందంపై చిత్రీకరించినట్టు తెలుస్తోంది. 

రాయలసీమ ఫ్యాక్షన్ నేపథ్యంలో నడిచే ఈ కథలో, ప్రతినాయకుడిగా దునియా విజయ్ కనిపించనున్నాడు. ఇక ఒక ముఖ్యమైన పాత్రను వరలక్ష్మి శరత్ కుమార్ పోషించింది. సంక్రాంతి కానుకగా జనవరి 12వ తేదీన ఈ సినిమాను విడుదల చేయనున్నారు.