Sukumar: ఫేస్ బుక్ పోస్టు చూసి క్యాన్సర్ బాధితుడికి సాయం చేసిన దర్శకుడు సుకుమార్

టాలీవుడ్ స్టార్ డైరెక్టర్ సుకుమార్ ఫేస్ బుక్ లో పోస్టు చూసి ఓ క్యాన్సర్ బాధితుడికి సాయం చేసిన ఘటన తాజాగా వెల్లడైంది. అంబేద్కర్ కోనసీమ జిల్లా జనుపల్లె గ్రామానికి చెందిన ఆనంద్ క్యాన్సర్ మహమ్మారి బారినపడ్డాడు. ఆనంద్ ఆర్థిక పరిస్థితి అంతంతమాత్రం కావడంతో, అతడి స్నేహితులు ఫేస్ బుక్ లో ఓ పోస్టు పెట్టారు. దాతలు ఎవరైనా ముందుకొచ్చి ఆనంద్ కు సాయపడాలని విజ్ఞప్తి చేశారు. 

ఈ పోస్టు సుకుమార్ కంటపడడంతో ఆయన వెంటనే స్పందించారు. తనవంతుగా ఆ క్యాన్సర్ బాధితుడికి రూ.50 వేల ఆర్థిసాయం చేశారు. ఈ నేపథ్యంలో, సుకుమార్ ను నెటిజన్లు అభినందిస్తున్నారు.