'ఆదిపురుష్' హిందీ టీజర్ కు అదిరిపోయే స్పందన

ప్రభాస్ రాముడిగా, కృతి సనన్ సీతగా నటిస్తున్న భారీ చిత్రం ఆదిపురుష్. ఈ సినిమా టీజర్ ను నిన్న అయోధ్యలో అట్టహాసంగా జరిగిన ఓ కార్యక్రమంలో విడుదల చేశారు. కాగా, విడుదలైన కొన్ని గంటల్లోనే ఆదిపురుష్ హిందీ టీజర్ కు విశేషమైన రీతిలో స్పందన వచ్చింది. కేవలం 19 గంటల వ్యవధిలో ఈ టీజర్ ను 63 మిలియన్ల మంది వీక్షించారు. 10 లక్షల లైకులు రావడం విశేషం. 

బాలీవుడ్ దర్శకుడు ఓం రౌత్ దర్శకత్వంలో రూపుదిద్దుకుంటున్న ఈ చిత్రం వచ్చే ఏడాది ఆరంభంలో ప్రేక్షకుల ముందుకు రానుంది. ఆదిపురుష్ లో బాలీవుడ్ నటుడు సైఫ్ అలీ ఖాన్ రావణుడి పాత్ర పోషిస్తున్నారు.