టాలీవుడ్‌లోకి మరో వారసురాలు.. హీరోయిన్‌గా ఎంట్రీ ఇస్తున్న శ్రీకాంత్ కుమార్తె మేధ
- ప్రతిష్ఠాత్మక నిర్మాణ సంస్థ మైత్రీ మూవీ మేకర్స్ నిర్మిస్తున్న ప్రేమకథ
- 'రాజమండ్రి రోజ్ మిల్క్' ఫేమ్ జై జాస్తి సరసన నాయికగా మేధ
- గతంలో 'రుద్రమదేవి' చిత్రంలో బాలనటిగా మెప్పించిన మేధ
- అక్టోబర్ 12న ఉదయం 10:26 గంటలకు టైటిల్ గ్లింప్స్ విడుదల
టాలీవుడ్‌లోకి మరో ప్రముఖ నటుడి వారసురాలు అడుగుపెడుతున్నారు. సీనియర్ నటుడు శ్రీకాంత్, ఒకప్పటి నటి ఊహ దంపతుల కుమార్తె మేధ కథానాయికగా పరిచయం కాబోతోంది. టాలీవుడ్‌లో అగ్ర నిర్మాణ సంస్థగా ఉన్న మైత్రీ మూవీ మేకర్స్ ఈ చిత్రాన్ని నిర్మిస్తుండటం విశేషం. ఈ మేరకు ఆ సంస్థ అధికారికంగా ప్రకటన విడుదల చేసింది.
ఈ చిత్రంలో 'రాజమండ్రి రోజ్ మిల్క్' చిత్రంతో గుర్తింపు పొందిన జై జాస్తి హీరోగా నటిస్తున్నాడు. యువతను ఆకట్టుకున్న '30 వెడ్స్ 21' వెబ్ సిరీస్ దర్శకుడు పృథ్వీ వనం ఈ ప్రేమకథకు దర్శకత్వం వహిస్తున్నాడు. ప్రస్తుతం ఈ ప్రాజెక్టును #MythriInLove అనే హ్యాష్‌ట్యాగ్‌తో ప్రమోట్ చేస్తున్నారు. "మా మనసులను గెలుచుకున్న ఇద్దరినీ పరిచయం చేస్తున్నాం. ఈ రోజు మీకు వారి పేర్లు తెలుస్తాయి. రేపు వారిని చూసి మీరు కూడా ప్రేమలో పడతారు" అంటూ మైత్రీ మూవీ మేకర్స్ సోషల్ మీడియాలో పోస్ట్ చేసింది. అంతేకాకుండా 'మిస్ శెట్టి మిస్టర్ పొలిశెట్టి' ఫేమ్ మహేశ్ బాబు పి ఈ ప్రాజెక్టుకు క్రియేటర్/షోరన్నర్‌గా వ్యవహరిస్తున్నట్లు సమాచారం.
మేధాకు నటన కొత్తేమీ కాదు. గతంలో అనుష్క ప్రధాన పాత్రలో నటించిన చారిత్రక చిత్రం 'రుద్రమదేవి'లో చిన్నప్పటి రుద్రమదేవి పాత్రలో నటించి మెప్పించింది. శ్రీకాంత్ కుమారుడు రోషన్ ఇప్పటికే 'పెళ్లి సందD', 'ఛాంపియన్' వంటి చిత్రాలతో హీరోగా నిలదొక్కుకునే ప్రయత్నం చేస్తున్న విషయం తెలిసిందే. ఇప్పుడు అతడి సోదరి మేధ కూడా హీరోయిన్‌గా ఎంట్రీ ఇస్తుండడం విశేషం.
ఈ కొత్త ప్రేమకథకు సంబంధించిన టైటిల్ గ్లింప్స్‌ను రేపు (అక్టోబర్ 12) ఉదయం 10:26 గంటలకు విడుదల చేయనున్నట్లు నిర్మాతలు ప్రకటించారు. ఈ ప్రకటనతో శ్రీకాంత్ అభిమానులు, సినీ వర్గాల్లో ఆసక్తి నెలకొంది.
ఈ చిత్రంలో 'రాజమండ్రి రోజ్ మిల్క్' చిత్రంతో గుర్తింపు పొందిన జై జాస్తి హీరోగా నటిస్తున్నాడు. యువతను ఆకట్టుకున్న '30 వెడ్స్ 21' వెబ్ సిరీస్ దర్శకుడు పృథ్వీ వనం ఈ ప్రేమకథకు దర్శకత్వం వహిస్తున్నాడు. ప్రస్తుతం ఈ ప్రాజెక్టును #MythriInLove అనే హ్యాష్‌ట్యాగ్‌తో ప్రమోట్ చేస్తున్నారు. "మా మనసులను గెలుచుకున్న ఇద్దరినీ పరిచయం చేస్తున్నాం. ఈ రోజు మీకు వారి పేర్లు తెలుస్తాయి. రేపు వారిని చూసి మీరు కూడా ప్రేమలో పడతారు" అంటూ మైత్రీ మూవీ మేకర్స్ సోషల్ మీడియాలో పోస్ట్ చేసింది. అంతేకాకుండా 'మిస్ శెట్టి మిస్టర్ పొలిశెట్టి' ఫేమ్ మహేశ్ బాబు పి ఈ ప్రాజెక్టుకు క్రియేటర్/షోరన్నర్‌గా వ్యవహరిస్తున్నట్లు సమాచారం.
మేధాకు నటన కొత్తేమీ కాదు. గతంలో అనుష్క ప్రధాన పాత్రలో నటించిన చారిత్రక చిత్రం 'రుద్రమదేవి'లో చిన్నప్పటి రుద్రమదేవి పాత్రలో నటించి మెప్పించింది. శ్రీకాంత్ కుమారుడు రోషన్ ఇప్పటికే 'పెళ్లి సందD', 'ఛాంపియన్' వంటి చిత్రాలతో హీరోగా నిలదొక్కుకునే ప్రయత్నం చేస్తున్న విషయం తెలిసిందే. ఇప్పుడు అతడి సోదరి మేధ కూడా హీరోయిన్‌గా ఎంట్రీ ఇస్తుండడం విశేషం.
ఈ కొత్త ప్రేమకథకు సంబంధించిన టైటిల్ గ్లింప్స్‌ను రేపు (అక్టోబర్ 12) ఉదయం 10:26 గంటలకు విడుదల చేయనున్నట్లు నిర్మాతలు ప్రకటించారు. ఈ ప్రకటనతో శ్రీకాంత్ అభిమానులు, సినీ వర్గాల్లో ఆసక్తి నెలకొంది.
