Andhra Pradesh: గ్రూప్ - 1, అసిస్టెంట్ మోటార్ వెహికల్ ఇన్స్ పెక్టర్ ఉద్యోగాల భర్తీకి నోటిఫికేషన్ విడుదల చేసిన ఏపీపీఎస్సీ
- 92 గ్రూప్ - 1 ఉద్యోగాలకు నోటిఫికేషన్
- 17 అసిస్టెంట్ మోటార్ వెహికల్ ఇన్స్ పెక్టర్ ఉద్యోగాలకు నోటిఫికేషన్ విడుదల
- వివరాలకు https://psc.ap.gov.in/ వెబ్ సైట్ ను సంప్రదించవచ్చు
నిరుద్యోగులకు ఏపీ ప్రభుత్వం గుడ్ న్యూస్ చెప్పింది. గ్రూప్ - 1 కేడర్ ఉద్యోగాల భర్తీకి నోటిఫికేషన్ విడుదల చేసింది. 92 గ్రూప్ - 1 ఉద్యోగాల భర్తీకి నిన్న రాత్రి నోటిఫికేషన్ జారీ చేసింది. దీంతోపాటు అసిస్టెంట్ మోటార్ వెహికల్ ఇన్స్ పెక్టర్ పోస్టుల భర్తీకి కూడా నోటిఫికేషన్ విడుదల చేసింది. గ్రూప్ - 1 పోస్టుల భర్తీ ప్రక్రియలో భాగంగా రాత పరీక్షతో పాటు ఇంటర్వ్యూలను కూడా నిర్వహించనున్నారు. గతంలో ఇంటర్వ్యూలను ప్రభుత్వం రద్దు చేసిన సంగతి తెలిసిందే. తాజాగా, ఇంటర్వ్యూలను మళ్లీ పునరుద్ధరించింది.
గ్రూప్ - 1 ఉద్యోగాలకు ఈ నెల 13 నుంచి నవంబర్ 2వ తేదీ వరకు దరఖాస్తులను స్వీకరించనున్నారు. ప్రిలిమినరీ పరీక్ష డిసెంబర్ 18న... మెయిన్స్ 2023 మార్చి 15న జరగనున్నాయి. పూర్తి వివరాలకు https://psc.ap.gov.in/ వెబ్ సైట్ సంప్రదించాలి.
17 అసిస్టెంట్ మోటార్ వెహికల్ ఇన్స్ పెక్టర్ ఉద్యోగాల భర్తీకి కూడా నోటిఫికేషన్ విడుదలయింది. ఈ పోస్టులకు నవంబర్ 2 నుంచి నవంబర్ 22 వరకు దరఖాస్తు చేసుకోవచ్చు. పూర్తి వివరాలకు https://psc.ap.gov.in/ వెబ్ సైట్ ను సంప్రదించవచ్చు.
