Mahesh Babu: మహేశ్ బాబు, రాజమౌళిల సినిమా కథ ఇదేనట!

  • ప్రస్తుతం త్రివిక్రమ్ తో సినిమా చేస్తున్న మహేశ్
  • ఈ సినిమా పూర్తయిన వెంటనే పట్టాలెక్కనున్న మహేశ్, రాజమౌళిల సినిమా
  • ప్రపంచాన్ని చుట్టి వచ్చే సాహసికుడి కథే ఈ సినిమా
Rajamouli and Mahesh Babu movie is an action adventure film

సూపర్ స్టార్ మహేశ్ బాబు, దర్శక దిగ్గజం రాజమౌళి కాంబినేషన్లో సినిమా తెరకెక్కబోతున్న సంగతి తెలిసిందే. ఈ సినిమాకు సంబంధించిన పనులను రాజమౌళి అప్పుడే ప్రారంభించారు. ప్రస్తుతం త్రివిక్రమ్ శ్రీనివాస్ దర్శకత్వంలో మహేశ్ బాబు సినిమా చేస్తున్నారు. ఇది పూర్తయిన వెంటనే రాజమౌళి సినిమా పట్టాలెక్కుతుంది. ఇప్పటికే ఈ చిత్రంపై భారీ అంచనాలు నెలకొన్నాయి. 

మరోవైపు ఈ సినిమా గురించి రాజమౌళి ఒక ఆసక్తికర విషయాన్ని వెల్లడించారు. ప్రపంచాన్ని చుట్టి వచ్చే సాహసికుడి కథే ఈ సినిమా అని ఆయన చెప్పారు. యాక్షన్ అడ్వెంచరస్ మూవీగా ఇది తెరకెక్కుతుందని అన్నారు. మరోపక్క, ఇప్పటికే ఈ సినిమాపై మహేశ్ బాబు మాట్లాడుతూ... రాజమౌళితో ఒక్క సినిమా చేస్తే 25 సినిమాలు చేసినట్టేనని చెప్పారు. పాన్ ఇండియా స్థాయిలో ఈ సినిమా తెరకెక్కుతుందని... ఈ చిత్రం జాతీయ స్థాయిలో సరిహద్దులను చెరిపేస్తుందని అన్నారు. ఈ చిత్రానికి రాజమౌళి తండ్రి విజయేంద్రప్రసాద్ కథను అందిస్తున్నారు. ఈ సినిమాకు సంబంధించిన పూర్తి వివరాలు వచ్చే ఏడాది తెలిసే అవకాశం ఉంది.

More Telugu News