Allu Arjun: 'పుష్ప 2' టీమ్ రంగంలోకి దిగుతున్నట్టుగా చెప్పిన రష్మిక!

ఒక వైపున తెలుగు .. మరో వైపున కన్నడ .. హిందీ సినిమాలతో రష్మిక ఫుల్ బిజీగా ఉంది. హిందీలో అమితాబ్ కూతురుగా ఆమె చేసిన 'గుడ్ బై' సినిమా విడుదలకు ముస్తాబవుతోంది. ఈ నేపథ్యంలో ఈ సినిమా నుంచి తాజాగా ఒక ట్రైలర్ ను రిలీజ్ చేశారు. ఈ సందర్భంలో రష్మిక మాట్లాడుతూ అమితాబ్ గారితో కలిసి నటించాలనే తన కల నిజమైందంటూ ఆనందాన్ని వ్యక్తం చేసింది.

ఈ నేపథ్యంలోనే 'పుష్ప 2' సినిమాను గురించి రష్మిక ప్రస్తావించింది. పుష్ప 2' సినిమా మరో రెండు రోజుల్లో సెట్ పైకి వెళుతున్నట్టుగా ఆమె చెప్పింది. ఈ సినిమా రెగ్యులర్ షూటింగ్ ఎప్పుడు మొదలవుతుందా అని ఎదురుచూస్తున్న అభిమానులకు ఇది ఆనందాన్ని కలిగించే విషయమే. మొత్తానికి 'పుష్ప 2' సెట్స్ పైకి వెళ్లే సమయం దగ్గరికి వచ్చేసిందన్న మాట.

'పుష్ప' 350 కోట్లకి పైగా వసూళ్లను రాబట్టింది. ఒక్క హిందీలోనే ఈ సినిమా 100 కోట్లకి పైగా కొల్లగొట్టింది. దాంతో ఈ సారి పాన్ ఇండియా స్థాయిలోనే 'పుష్ప 2' సినిమాను నిర్మిస్తున్నారు. ఇతర భాషల నుంచి మరికొంతమంది స్టార్స్ ను తీసుకుంటున్నారు. వచ్చే ఏడాదిలో ఈ సినిమాను ప్రపంచవ్యాప్తంగా విడుదల చేయనున్నారు.