'సలార్' వచ్చేది అప్పుడేనట!

ప్రభాస్ హీరోగా దర్శకుడు ప్రశాంత్ నీల్ 'సలార్' సినిమాను రూపొందిస్తున్నాడు. భారీ బడ్జెట్ తో ఈ సినిమాను నిర్మిస్తున్నారు. ఈ సినిమా షూటింగు చాలా కాలం క్రితమే మొదలైంది. అయితే మొదలైనంత ఫాస్టుగా షెడ్యూల్స్ పడలేదు. అందుకు కారణం ప్రభాస్ బిజీగా ఉండటమే. ఆయన ఇతర ప్రాజెక్టులపై దృష్టి పెట్టడమే.

ఈ సినిమా సెట్స్ పైకి వెళ్లినప్పుడు ఈ ఏడాదిలోనే విడుదలవుతుందని అంతా అనుకున్నారు. కానీ ఈ సినిమా ఈ ఏడాదిలో రావడం లేదనేది తాజా సమాచారం. ఇంతవరకూ ఈ సినిమా 30 శాతం మాత్రమే చిత్రీకరణ జరుపుకుంది. మిగతా చిత్రీకరణ పూర్తి చేయడానికి చాలా సమయం పడుతుంది. 

అందువలన వచ్చే ఏడాది ఏప్రిల్ 14వ తేదీన ఈ సినిమాను విడుదల చేయాలనే నిర్ణయానికి వచ్చినట్టుగా తెలుస్తోంది. ఈ సినిమాలో ప్రభాస్ సరసన కథానాయికగా శ్రుతి హాసన్ అలరించనున్న సంగతి తెలిసిందే. ఇక ఆల్రెడీ 'ఆది పురుష్'ను పూర్తిచేసిన ప్రభాస్, ప్రస్తుతం 'ప్రాజెక్టు K' పనులతో బిజీగా ఉన్నాడు.