దుమ్మురేపిన సితార, మహేశ్ బాబు... పెన్నీ సాంగ్ ఆల్ టైమ్ రికార్డు

మహేశ్ బాబు నటించిన సర్కారు వారి పాట చిత్రంలోని పెన్నీ సాంగ్ యూట్యూబ్ ను ఊపేస్తోంది. నిన్న యూట్యూబ్ లోకి వచ్చిన ఈ పాట ఇవాళ్టికి 1.8 కోట్ల వ్యూస్ తో ఆల్ టైమ్ రికార్డు అందుకుంది. కేవలం 24 గంటల్లోనే ఈ ఘనత అందుకుంది. ఈ పాటలో మహేశ్ బాబు ముద్దుల తనయ సితార స్టెప్పులను కూడా యాడ్ చేయడంతో అభిమానుల జోష్ కు అడ్డులేకుండా పోయింది. బ్యాంకు స్కాం నేపథ్యంలో తెరకెక్కిన సర్కారు వారి పాట చిత్రం సారాంశం అంతా ఈ పాటలోనే ఉండడంతో ఫ్యాన్స్ ను విశేషంగా అలరిస్తోంది.


దీనికి సంబంధించిన మ్యూజిక్ వీడియోలో సితార పెర్ఫార్మెన్స్ మామూలుగా లేదు. ఈ పాటకు తమన్ బాణీలు అందించగా, అనంత శ్రీరామ్ సాహిత్యం సమకూర్చాడు. టెక్నో పాప్ తరహాలో పాట సాగగా, సితార డ్యాన్స్ మూవ్ మెంట్స్ సైతం అందుకు అనుగుణంగా లయబద్ధంగా ఉన్నాయి. మొత్తానికి ఈ మ్యూజిక్ వీడియోలో తండ్రితో కలిసి సితూ పాప అదరగొట్టింది. 

పరశురామ్ దర్శకత్వంలో మైత్రీ మూవీ మేకర్స్, 14 రీల్స్, జీఎంబీ ఎంటర్టయిన్ మెంట్ బ్యానర్లపై రూపుదిద్దుకున్న ఈ చిత్రం వేసవిలో ప్రేక్షకుల ముందుకు రానుంది.