తెలంగాణలో కరోనా రోజువారీ కేసుల వివరాలు ఇవిగో!

తెలంగాణలో గడచిన 24 గంటల్లో 20,496 శాంపిల్స్ పరీక్షించగా, 67 పాజిటివ్ కేసులు వెల్లడయ్యాయి. హైదరాబాదులో 31, రంగారెడ్డి జిల్లాలో 10 కొత్త కేసులు గుర్తించారు. 17 జిల్లాల్లో కొత్త కేసులేవీ నమోదు కాలేదు. అదే సమయంలో 92 మంది కరోనా నుంచి కోలుకున్నారు. కొత్తగా మరణాలేవీ సంభవించలేదు. 

రాష్ట్రంలో ఇప్పటిదాకా 7,90,756 పాజిటివ్ కేసులు నమోదు కాగా... 7,85,932 మంది ఆరోగ్యవంతులయ్యారు. ఇంకా 713 మంది చికిత్స పొందుతున్నారు. రాష్ట్రంలో ఇప్పటిదాకా 4,111 మంది కరోనాతో మరణించారు.