టీమిండియా క్రికెటర్లలో 'పుష్ప' మేనియా... 'శ్రీవల్లి' పాటకు డ్యాన్స్ చేసిన క్రికెటర్లు

అల్లు అర్జున్ నట విశ్వరూపం ప్రదర్శించిన చిత్రం పుష్ప. సుకుమార్ దర్శకత్వం వహించిన ఈ చిత్రం డిసెంబరులో ప్రేక్షకుల ముందుకు వచ్చి, బాక్సాఫీసు వద్ద కాసుల వర్షం కురిపిస్తోంది. కాగా, ఈ చిత్రంలో అల్లు అర్జున్ పలికే తగ్గేదే లే డైలాగ్ అన్ని వర్గాల వారిని ఆకట్టుకుంటోంది. టీమిండియా క్రికెటర్ రవీంద్ర జడేజా, ఆసీస్ క్రికెటర్ డేవిడ్ వార్నర్ కూడా ఈ డైలాగ్ ను బన్నీ శైలిలో పలికి రక్తికట్టించారు.

కాగా, ఈ సినిమాలో పాటలన్నీ సూపర్ హిట్టే. ముఖ్యంగా శ్రీవల్లి పాటకు విశేష ప్రజాదరణ లభిస్తోంది. తాజాగా టీమిండియా క్రికెటర్లు శ్రీవల్లి పాటకు డ్యాన్స్ చేశారు. ఈ పాటలో అల్లు అర్జున్ ఓ స్టెప్పు వేస్తూ చెప్పు జారవిడుచుకుంటాడు. ఇప్పుడదే స్టెప్పును టీమిండియా ఆటగాళ్లు సూర్యకుమార్ యాదవ్, ఇషాన్ కిషన్ ప్రదర్శించారు. దీనికి సంబంధించిన వీడియోను పుష్ప చిత్రబృందం సోషల్ మీడియాలో పంచుకుంది.