Nani: 'శ్యామ్ సింగ్ రాయ్' రిలీజ్ డేట్ ఖరారు!

రాహుల్ సాంకృత్యన్ దర్శకత్వంలో నాని 'శ్యామ్ సింగ రాయ్' సినిమా చేశాడు. వెంకట్ బోయినపల్లి నిర్మించిన ఈ సినిమా, విభిన్నమైన కథాకథనాలతో నడుస్తుంది. నాని డిఫరెంట్ లుక్ తో కనిపించనున్న ఈ సినిమాలో, ఆయన సరసన ముగ్గురు కథానాయికలు కనువిందు చేయనున్నారు.

ఆ జాబితాలో సాయిపల్లవి .. కృతి శెట్టి .. మడోన్నా సెబాస్టియన్ కనిపించనున్నారు. ఎవరి పాత్రకి తగిన ప్రాధాన్యత వారికి ఉంది. ఈ సినిమా ఓటీటీలో వస్తుందా? థియేటర్లకు వెళుతుందా? అనే విషయంపై అనేక రకాల ఊహాగానాలు వినిపించాయి. తాజాగా ఈ సినిమా విడుదలకి డేట్ ఫిక్స్ చేశారు. ఈ సినిమాను డిసెంబర్ 24వ తేదీన విడుదల చేయనున్నట్టు అధికారికంగా ప్రకటించారు.

అందుకు సంబంధించిన పోస్టర్ ను కూడా వదిలారు. తెలుగుతో పాటు, తమిళ .. మలయాళ .. కన్నడ భాషల్లోను అదే రోజున ఈ సినిమాను విడుదల చేయనున్నారు. మిక్కీ జె. మేయర్ ఈ సినిమాకి సంగీతాన్ని అందించాడు. ఈ సినిమా తన కెరియర్లోనే ప్రత్యేకమైనదిగా నిలిచిపోతుందని నాని నమ్మకంతో చెబుతున్నాడు.