Rashmika Mandanna: సినిమా కబుర్లు.. సంక్షిప్త సమాచారం

*  'అల్లు అర్జున్ బ్రిలియంట్ డ్యాన్సర్' అంటూ కితాబునిచ్చించి కథానాయిక రష్మిక. తాజాగా సోషల్ మీడియాలో ఈ చిన్నది అభిమానులతో ముచ్చటించింది. ఈ సందర్భంగా అల్లు అర్జున్ గురించి అడిగిన ఓ అభిమానికి సమాధానం చెబుతూ, "తను పక్కా ప్రొఫెషనల్.. మంచి నటుడు.. సెట్స్ పై చాలా సరదాగా ఉంటాడు. అలాగే బ్రిలియంట్ డ్యాన్సర్ అన్న విషయం మనకు తెలిసిందే. అతనితో కలసి పనిచేయడాన్ని బాగా ఎంజాయ్ చేస్తాను'' అంటూ చెప్పుకొచ్చింది.    
*  ప్రముఖ బాలీవుడ్ నటుడు నవాజుద్దీన్ సిద్ధికీ త్వరలో మెగాస్టార్ చిరంజీవి సినిమాలో నటించనున్నాడు. బాబీ దర్శకత్వంలో చిరంజీవి హీరోగా మైత్రీ మూవీ మేకర్స్ నిర్మించే భారీ చిత్రంలో విలన్ పాత్రకు నవాజుద్దీన్ ని సంప్రదిస్తున్నట్టు, ఆ పాత్ర చేయడానికి ఆయన అంగీకరించినట్టూ తెలుస్తోంది.
*  కమలహాసన్ హీరోగా లోకేశ్ కనగరాజ్ దర్శకత్వంలో 'విక్రమ్' చిత్రం రూపొందుతున్న సంగతి తెలిసిందే. ఇక ఇందులో ఏకంగా నలుగురు విలన్లు ఉంటారనీ, వారిలో ఒకరిగా మలయాళ నటుడు ఫాహద్ ఫాజిల్ నటిస్తాడని సమాచారం. మిగతా ముగ్గురి ఎంపిక జరుగుతోంది.