Kodali Nani: సీఎం జగన్ ను కలిసిన కొడాలి నాని!

ఏపీ మంత్రి కొడాలి నాని హడావుడిగా తాడేపల్లిలోని ముఖ్యమంత్రి జగన్ నివాసానికి వెళ్లారు. అన్ని కార్యక్రమాలను రద్దు చేసుకుని ముఖ్యమంత్రి వద్దకు ఆయన వెళ్లినట్టు తెలుస్తోంది. గుడివాడ నియోజకవర్గంలోని తమ్మిరిస గ్రామంలో నిర్వహిస్తున్న ఓ పేకాట శిబిరంపై నిన్న రాత్రి ఎసీఈబీ దాడులు చేసింది. ఈ దాడుల్లో 28 కార్లను, భారీ మొత్తంలో నగదును స్వాధీనం చేసుకున్నారు.

ఈ పేకాట క్లబ్ ఓ మంత్రి కనుసన్నల్లో నడుస్తోందనే ప్రచారం జరుగుతోంది. ఓ వార్తాపత్రికలో దీనిపై ఓ కథనం కూడా వచ్చింది. ఈ నేపథ్యంలో, సీఎంను కొడాలి నాని హడావుడిగా కలవడం కొత్త చర్చకు దారి తీసింది. అయితే, సీఎంను కలవడానికి నాని ఎందుకు వెళ్లారనే విషయం మాత్రం అధికారికంగా వెల్లడి కాలేదు.