ఆ విక్టరీ సింబల్ చూపిస్తూ పర్యటనలేంటి బాబూ?: విజ‌య‌సాయిరెడ్డి

టీడీపీ అధినేత చంద్ర‌బాబు నాయుడిపై వైసీపీ ఎంపీ విజ‌య‌సాయిరెడ్డి తీవ్ర విమ‌ర్శ‌లు గుప్పించారు. రామ‌తీర్థం శ్రీరాముడి విగ్ర‌హాన్ని గుర్తు తెలియ‌ని వ్య‌క్తులు ధ్వంసం చేసిన నేప‌థ్యంలో అక్క‌డ రాజ‌కీయ నాయ‌కులు ప‌ర్య‌ట‌న‌లు జ‌రుపుతోన్న విష‌యం తెలిసిందే. ఈ నేప‌థ్యంలో చంద్ర‌బాబు అక్క‌డ‌కు వెళ్లినప్ప‌టి ఫొటోను పోస్ట్ చేస్తూ విజ‌య‌సాయిరెడ్డి ఆరోప‌ణ‌లు గుప్పించారు.

'శ్రీరాముని విగ్రహన్ని మీరు మీ గ్యాంగ్ ధ్వంసం చేసి ఆ విక్టరీ సింబల్ చూపిస్తూ పర్యటనలేంటి బాబూ? రామతీర్థం రామునితో రాజకీయాలు  చేస్తావా? ఎన్ని చేసినా నువ్వు రావణాసురునివే. జనం చీదరించుకోవడంతో ఇప్పుడు మతాల మధ్య మారణహోమం సృష్టించాలని అనుకుంటున్నావా?' అని విజ‌య‌సాయిరెడ్డి ప్ర‌శ్నించారు.