Tamannaah: సినిమా కబుర్లు.. సంక్షిప్త సమాచారం

*  'ప్రతి దానికీ సినిమా ఇండస్ట్రీనే తప్పుబట్టడం మంచిది కాదు..' అంటోంది కథానాయిక తమన్నా. "దేశంలో ఎక్కడ ఏం జరిగినా చివరికి దానిని సినీ రంగంతో ముడిపెడుతున్నారు. సినిమా వాళ్లకి పాప్యులారిటీ ఉంటుంది కాబట్టి వాళ్లని ఈజీగా లక్ష్యం చేసుకుంటున్నారు. ఈ ధోరణి మారాలి. ఏ కారణం లేకుండా సినిమా పరిశ్రమను నిందించవద్దు" అంటూ చెప్పుకొచ్చింది తమ్మూ. ప్రతీరంగంలోనూ మంచీ చెడులు వుంటాయని చెప్పింది.
*  రవితేజ హీరోగా రమేశ్ వర్మ దర్శకత్వంలో రూపొందుతున్న 'ఖిలాడి' చిత్రం కోసం హైదరాబాదులో భారీ సెట్స్ వేశారు. ప్రస్తుతం ఈ సెట్స్ లో ప్రధాన తారాగణంపై కొన్ని సన్నివేశాలు చిత్రీకరిస్తున్నారు. రవితేజ ద్విపాత్రాభినయం చేస్తున్న ఈ చిత్రంలో మీనాక్షి చౌదరి, డింపుల్ హయతి కథానాయికలుగా నటిస్తున్నారు.
*  యంగ్ హీరో రాజ్ తరుణ్ కథానాయకుడుగా కొండా విజయకుమార్ దర్శకత్వంలో రూపొందిన 'ఒరేయ్ బుజ్జిగా..' చిత్రాన్ని ఈ నెల 31న థియేటర్లలో విడుదల చేస్తున్నారు. ఇందులో హెబ్బా పటేల్, మాళవిక నాయర్ కథానాయికలుగా నటించారు.