Raviteja: ప్లాంక్ చాలెంజ్‌లో పాల్గొన్న రవితేజ, శ్రుతిహాసన్.. రవితేజ గెలుపు.. వీడియో వైరల్
- రవితేజ, శ్రుతి హాసన్ జంటగా క్రాక్ సినిమా
- గోపీచంద్ మలినేని దర్శకత్వంలో మూవీ
- నవ్వుతూ ప్లాంక్ చాలెంజ్‌లో పాల్గొన్న శ్రుతి
రవితేజ, శ్రుతి హాసన్ జంటగా క్రాక్ సినిమా రూపుదిద్దుకుంటోన్న విషయం తెలిసిందే. గోపీచంద్ మలినేని దర్శకత్వం వహిస్తున్న ఈ సినిమాకు తమన్ మ్యూజిక్ అందిస్తున్నాడు. ఈ సినిమాను సంక్రాంతికి ప్రేక్షకుల ముందుకు తీసుకురావాలని సినిమా యూనిట్ భావిస్తోంది. ఈ సినిమా షూటింగ్ సందర్భంగా రవితేజ, శ్రుతి హాసన్ ప్లాంక్ చాలెంజ్‌లో పాల్గొన్నారు.
ఇందులో శ్రుతిహాసన్‌పై రవితేజ గెలిచాడు. ఎక్కువ పుషప్ లు చేసిన వారే ఇందులో విజేతగా నిలుస్తారు. ఇందుకు సంబంధించిన వీడియోను ఆ సినిమా యూనిట్ పోస్ట్ చేసింది. రవితేజ, శ్రుతిహాసన్ నవ్వుతూ ఇందులో పాల్గొన్నారు. కాగా, ఈ సినిమాతో పాటు రవితేజ.. రమేశ్ వర్మ దర్శకత్వంలో మరో సినిమా చేస్తున్నాడు.
