Rashmika Mandanna: సినిమా కబుర్లు.. సంక్షిప్త సమాచారం 

*  కార్తీ, రష్మిక హీరో హీరోయిన్లుగా నటించిన 'సుల్తాన్' చిత్రం షూటింగ్ పూర్తయింది. త్వరలో పోస్ట్ ప్రొడక్షన్ పనులను ప్రారంభిస్తారు. భాగ్యరాజ్ కన్నన్ దర్శకత్వం వహిస్తున్న ఈ చిత్రాన్ని తెలుగు, తమిళ భాషల్లో సంక్రాంతికి విడుదల చేయడానికి సన్నాహాలు చేస్తున్నారు.
*  'కేజీఎఫ్' సినిమా ద్వారా ఒక్కసారిగా దేశ వ్యాప్తంగా పేరుతెచ్చుకున్న హీరో యశ్ త్వరలో ఓ తెలుగు దర్శకుడి చిత్రంలో నటించనున్నాడు. సాయి కొర్రపాటి నిర్మించే ఈ చిత్రానికి సంబంధించిన వివరాలను విజయదశమికి ప్రకటిస్తారు. యశ్ ప్రస్తుతం 'కేజీఎఫ్ 2' చిత్రంలో నటిస్తున్నాడు.  
*  ప్రస్తుతం 'క్రాక్' చిత్రంలో నటిస్తున్న రవితేజ తన తదుపరి చిత్రాన్ని రమేశ్ వర్మ దర్శకత్వంలో చేయనున్నాడు. ఇందులో ఇప్పటికే ఓ కథానాయికగా నిధి అగర్వాల్ ను ఎంపిక చేశారు. అయితే, ఇప్పుడు నిధి తప్పుకోవడంతో, ఆ స్థానంలో మీనాక్షి చౌదరిని తీసుకుంటున్నట్టు తెలుస్తోంది.