Krithi Shetty: నిఖిల్ జోడీగా ప్రమోషన్ కొట్టేసిన కృతి శెట్టి

'ఉప్పెన' సినిమాతో తెలుగు తెరకి కథానాయికగా కృతి శెట్టి పరిచయమవుతోంది. ఈ సినిమాలో ఆమె వైష్ణవ్ తేజ్ జోడీగా అలరించనుంది. ఇటీవల ఆ సినిమా నుంచి వదిలిన 'నీ కన్ను నీలి సముద్రం' పాటలో కృతి శెట్టిని చూసిన కుర్రకారు పొలోమంటూ మనసులను పోగొట్టుకున్నారు. అమ్మాయి నవ్వుకు .. గమ్మత్తయిన ఎక్స్ ప్రెషన్స్ కి ఫిదా అయ్యారు. ఆ సినిమా విడుదలయ్యే రోజు కోసం ఎంతో ఆత్రుతగా ఎదురుచూస్తున్నారు.

ఈ నేపథ్యంలోనే కృతి శెట్టి ఇండస్ట్రీలోని మిగతావారి దృష్టిని కూడా ఆకర్షించింది. సూర్యప్రతాప్ దర్శకత్వంలో నిఖిల్ హీరోగా రూపొందుతున్న '18 పేజీలు' సినిమాలో ఛాన్స్ కొట్టేసింది. బన్నీవాసు నిర్మిస్తున్న ఈ సినిమాకి సుకుమార్ కథ - స్క్రీన్ ప్లే అందిస్తున్నాడు. ఆయనే ఈ సినిమాకి కృతి శెట్టి పేరును సిఫార్స్ చేశాడని అంటున్నారు. మొత్తానికి నిఖిల్ జోడీగా ఈ అమ్మడు ప్రమోషన్ కొట్టేసిందన్న మాట.