బ్రహ్మానందానికి విజిటింగ్ ప్రొఫెసర్ అవకాశం ఆఫర్ చేసిన ఏయూ వీసీ

ప్రముఖ హాస్యనటుడు బ్రహ్మానందం కెరీర్ లో 35 ఏళ్లు పూర్తిచేసుకున్న సందర్భంగా విశాఖలో ఆయనకు ఘనంగా సన్మానం జరిగిన సంగతి తెలిసిందే. విశాఖ రైటర్స్ అసోసియేషన్ ఆధ్వర్యంలో జరిగిన ఈ సన్మానంలో భాగంగా బ్రహ్మానందానికి వెండి కిరీటం పెట్టి, 35 స్వర్ణ పుష్పాలతో అభిషేకం చేశారు. హాస్య దిగ్గజానికి స్వర్ణ కంకణం తొడిగారు. 35 సంఘాల ప్రతినిధులు పూలమాలలతో సత్కరించారు. బ్రహ్మీ 35 ఏళ్ల సినీ జీవిత విశేషాలతో పుస్తకాన్ని కూడా ఆవిష్కరించారు.

ఈ సందర్భంగా ఆంధ్రా విశ్వవిద్యాలయం వీసీ ప్రసాద్ రెడ్డి కమెడియన్ బ్రహ్మానందానికి అద్భుతమైన అవకాశం ఆఫర్ చేశారు. ఏయూ విజిటింగ్ ప్రొఫెసర్ గా బ్రహ్మానందానికి ఆహ్వానం పలుకుతున్నామని తెలిపారు. ఏయూ థియేటర్ ఆర్ట్స్ విభాగంలో సేవలు అందించాలని కోరుతున్నట్టు చెప్పారు.