వన్యప్రాణుల సంరక్షణ కోసం రామ్ చరణ్ సరికొత్త అవతారం!

సెలబ్రిటీ లైఫ్ తో పాటు సామాజిక సేవను కూడా సమానంగా చూసే జోడీ రామ్ చరణ్, ఉపాసన. తాజాగా వీరిద్దరూ తమ అభిరుచులకు అనుగుణంగా నివాసాన్ని మరింత ఆధునికీకరించుకుంటున్నారు. ఈ ఇల్లు స్టేట్ ఆఫ్ ద ఆర్ట్ తరహాలో రూపుదిద్దుకుంటోంది. అయితే, వన్యప్రాణుల సంరక్షణ కోసం రామ్ చరణ్, ఉపాసన కీలక నిర్ణయం తీసుకున్నారు. తమ ఇంటిలోనే వరల్డ్ వైల్డ్ లైఫ్ ఫండ్ కోసం ఓ కార్యక్రమం నిర్వహించాలని నిర్ణయించుకున్నారు. చరణ్, ఉపాసన ఇద్దరూ హోస్ట్ లుగా నిర్వహించబోయే ఈ నిధుల సేకరణ కార్యక్రమం పేరు వైల్డెస్ట్ డ్రీమ్స్. దీనికోసం మెగాహీరో వైల్డ్ లైఫ్ ఫొటోగ్రాఫర్ అవతారం ఎత్తాడు.  దీనికి సంబంధించిన స్టిల్స్ ప్రస్తుతం సామాజిక మాధ్యమాల్లో సందడి చేస్తున్నాయి.