కోహ్లీ లేనంత మాత్రాన టీమిండియా బలహీనంగా ఉందని భావించట్లేదు: బంగ్లాదేశ్ క్రికెటర్ లిటాన్ దాస్

టీమిండియాలో కోహ్లీ ఉన్నాడా? లేడా? అన్న విషయం తమకు సమస్యే కాదని బంగ్లాదేశ్‌ క్రికెటర్ లిటాన్‌ దాస్‌ అన్నాడు. త్వరలో ఇరు దేశాల మధ్య టీ20 సిరీస్ ప్రారంభం కానున్న విషయం తెలిసిందే. ఈ నేపథ్యంలో టీ20 సిరీస్‌కు టీమిండియా సారథి విరాట్‌ కోహ్లీకి విశ్రాంతి ఇచ్చారు.

దీనిపై లిటాన్ దాస్ మాట్లాడుతూ.. టీమిండియాలో కోహ్లీ లేనంత మాత్రాన ఆ టీమ్ బలహీనంగా ఉందని తాను భావించట్లేదని చెప్పాడు. టీమిండియాలో చాలామంది సమర్థవంతమైన క్రికెటర్లు ఉన్నారని లిటాన్ దాస్ అన్నాడు. టీమిండియాలో ప్రతి క్రికెటర్ కి ప్రతిభ ఉందని తెలిపాడు. తమ జట్టులో మాత్రం అనుభవం ఉన్న క్రికెటర్లు ఈ సిరీస్ లో ఆడట్లేదని, అయినప్పటికీ సాధ్యమైనంతవరకూ మంచి ప్రదర్శన ఇస్తామని చెప్పాడు.

 కాగా, ఆదివారం అరుణ్‌జైట్లీ స్టేడియంలో జగరనున్న మ్యాచ్ తో టీ20 సిరీస్‌ ప్రారంభమవుతుంది. టీమిండియాకు రోహిత్ శర్మ సారథ్యం వహిస్తున్నాడు.