ఎల్బీ స్టేడియంలో మాయావతి, పవన్ బహిరంగసభ.. సాయంత్రం నాలుగు గంటల నుంచి ట్రాఫిక్ ఆంక్షలు

హైదరాబాదులోని ఎల్బీ స్టేడియంలో ఈ సాయంత్రం బీఎస్పీ అధినేత్రి మాయావతి, జనసేనాని పవన్ కల్యాణ్ లు బహిరంగసభను నిర్వహిస్తున్నారు. ఈ నేపథ్యంలో, సాయంత్రం 4 గంటల నుంచి రాత్రి 7.30 గంటల వరకు ఆ ప్రాంతంలో ట్రాఫిక్ ఆంక్షలు ఉంటాయని నగర పోలీస్ ట్రాఫిక్ విభాగం అదనపు కమిషనర్ అనిల్ కుమార్ తెలిపారు.

• అబిడ్స్, గన్ ఫౌండ్రీ నుంచి వచ్చే వాహనాలను చాపెల్ రోడ్ మీదుగా పంపిస్తారు. 
• ఏఆర్ పెట్రోల్ పంప్ కూడలి నుంచి బీజేఆర్ విగ్రహం వైపు వెళ్లే వాహనాలను నాంపల్లి వైపు పంపిస్తారు. 
• ఓల్డ్ ఎమ్మెల్యే క్వార్టర్స్ నుంచి బషీర్ బాగ్ వైపు వచ్చే వాహనాలను హిమాయత్ నగర్ వై-జంక్షన్ మీదుగా పంపిస్తారు.
• బషీర్ బాగ్ కూడలి నుంచి వచ్చే వాహనాలను హైదర్ గూడ, కింగ్ కోఠి రోడ్డు వైపు మళ్లిస్తారు. 
• అంబేద్కర్ విగ్రహం వైపు నుంచి వచ్చే వాహనాలను లిబర్టీ కూడలి నుంచి హిమాయత్ నగర్ వైపు పంపిస్తారు. 
• రాజ్ మొహల్లా వైపు నుంచి ఓల్డ్ ఎమ్మెల్యే క్వార్టర్స్ వైపు వచ్చే వాహనాలను శ్మశానం కూడలి వైపు మళ్లిస్తారు. 
• ట్రాఫిక్ కంట్రోల్ రూమ్ వైపు నుంచి బషీర్ బాగ్ కూడలి వైపు వచ్చే వాహనాలను పీసీఆర్ వద్ద నాంపల్లి వైపు పంపిస్తారు.