తెలంగాణ పంచాయతీ ఎన్నికలకు రిజర్వేషన్లు ఖరారు.. వివరాలు ఇవిగో!

వచ్చే నెలలో తెలంగాణ రాష్ట్రంలో పంచాయతీ ఎన్నికలు జరగనున్న సంగతి తెలిసిందే. ఈ నేపథ్యంలో, రాష్ట్రంలోని 12,751 గ్రామ పంచాయతీల ఎన్నికలకు రంగం సిద్ధమైంది. ఈ క్రమంలో తెలంగాణ రాష్ట్ర ప్రభుత్వం రిజర్వేషన్లను ఖరారు చేసింది. ఆ వివరాలను ఎన్నికల సంఘానికి పంపింది.

రిజర్వేషన్లు వివరాలు ఇవే:

• ఎస్సీలకు - 2,113 గ్రామపంచాయతీలు
• షెడ్యూల్ ఏరియాలోని ఎస్టీలకు - 1,281
• వంద శాతం ఎస్టీ జనాభా ఉన్న పంచాయతీలు - 1,177
• మిగిలిన గ్రామ పంచాయతీలలో ఎస్టీలకు - 688
• బీసీలకు - 2,345
• జనరల్ - 5,147

వీటిలో మహిళలకు 50 శాతం రిజర్వేషన్లను కేటాయించింది. 100 శాతం ఎస్టీ జనాభా ఉన్న పంచాయతీలన్నింటినీ ఎస్టీ రిజర్వుడుగా పేర్కొంది.