nani: యువకుడిగా .. మధ్య వయస్కుడిగా .. వృద్ధుడిగా కనిపించనున్న నాని!
వైవిధ్యభరితమైన పాత్రలను ఎంచుకుంటూ .. నటన పరంగా నాని మరింత పరిణతిని కనబరుస్తూ కెరియర్ ను పరుగులు తీయిస్తున్నాడు. ప్రస్తుతం ఆయన ఆదిత్య శ్రీరామ్ దర్శకత్వంలో 'దేవదాస్' సినిమా చేస్తున్నాడు. ఈ మల్టీస్టారర్ మూవీ ఇప్పటికే చిత్రీకరణ పరంగా చివరిదశకు చేరుకుంది. ఇక నాని హోస్ట్ గా చేస్తోన్న 'బిగ్ బాస్ 2' కూడా ముగింపు దశకి చేరుకుంటోంది. ఈ రెండు ప్రాజెక్టులు పూర్తికాగానే నాని .. తన తదుపరి చిత్రంగా 'జెర్సీ'ని మొదలుపెట్టనున్నాడు.
క్రికెట్ నేపథ్యంలో సాగే ఈ సినిమాలో నాని మూడు డిఫరెంట్ లుక్స్ తో కనిపించనున్నాడు. యువకుడిగా .. మధ్య వయస్కుడిగా .. వృద్ధుడిగా ఆయన మూడు దశలలో తెరపై కనిపించనున్నాడని అంటున్నారు. నటనకి మంచి స్కోప్ ఉండటంతో నాని ఈ సినిమాపై ఎంతో ఆసక్తితో .. మరెంతో ఉత్సాహంతో వున్నాడని చెబుతున్నారు. సెప్టెంబర్ 2వ వారం నుంచి ఈ సినిమా రెగ్యులర్ షూటింగును ఆరంభించడానికి సన్నాహాలు చేసుకుంటున్నారు. సితార ఎంటర్టైన్మెంట్ వారు నిర్మించే ఈ సినిమాకి, గౌతమ్ తిన్ననూరి దర్శకుడిగా వ్యవహరించనున్నాడు.
క్రికెట్ నేపథ్యంలో సాగే ఈ సినిమాలో నాని మూడు డిఫరెంట్ లుక్స్ తో కనిపించనున్నాడు. యువకుడిగా .. మధ్య వయస్కుడిగా .. వృద్ధుడిగా ఆయన మూడు దశలలో తెరపై కనిపించనున్నాడని అంటున్నారు. నటనకి మంచి స్కోప్ ఉండటంతో నాని ఈ సినిమాపై ఎంతో ఆసక్తితో .. మరెంతో ఉత్సాహంతో వున్నాడని చెబుతున్నారు. సెప్టెంబర్ 2వ వారం నుంచి ఈ సినిమా రెగ్యులర్ షూటింగును ఆరంభించడానికి సన్నాహాలు చేసుకుంటున్నారు. సితార ఎంటర్టైన్మెంట్ వారు నిర్మించే ఈ సినిమాకి, గౌతమ్ తిన్ననూరి దర్శకుడిగా వ్యవహరించనున్నాడు.
