యువకుడిగా .. మధ్య వయస్కుడిగా శర్వానంద్!

ప్రస్తుతం శర్వానంద్ సుధీర్ వర్మ దర్శకత్వంలో ఒక సినిమా .. హను రాఘవపూడితో ఒక సినిమా చేస్తున్నాడు. హను రాఘవపూడితో కలిసి ఆయన ఏప్రిల్ మూడవ వారంలో సెట్స్ పైకి వెళ్లనున్నాడు. అందుకు సంబంధించిన సన్నాహాలు జరుగుతున్నాయి. ఈ సినిమాకి 'పడిపడిలేచే మనసు' అనే టైటిల్ ను ఖరారు చేశారు.

 ఈ సినిమాలో శర్వానంద్ రెండు విభిన్నమైన పాత్రలను చేయనున్నట్టుగా వార్తలు వచ్చాయి. దాంతో ఆ పాత్రలు ఎలా వుండనున్నాయోననే ఆసక్తి అందరిలో తలెత్తింది. ఈ సినిమాలో శర్వానంద్ 25 యేళ్ల యువకుడిగాను .. 45 యేళ్ల మధ్య వయస్కుడిగాను కనిపించనున్నాడనేది తాజా సమాచారం. ఈ సినిమాలో శర్వానంద్  ఒక పాత్ర కోసం బరువు తగ్గి .. మరో పాత్ర కోసం బరువు పెరగవలసి ఉంటుందని అంటున్నారు. ఈ సినిమాలో కథానాయికగా సాయిపల్లవిని ఎంపిక చేసిన సంగతి తెలిసిందే .