harbhajan singh: మీ గడ్డ నన్ను సింహంలా తయారు చేస్తుంది!: హర్భజన్ సింగ్

టీమిండియా స్టార్ స్పిన్నర్, ఒంటి చేత్తో భారత్ కు ఎన్నో విజయాలను అందించిన హర్భజన్ సింగ్ ను ఐపీఎల్ వేలం పాటలో చెన్నై సూపర్ కింగ్స్ సొంతం చేసుకుంది. కేవలం రూ. 2 కోట్లకే భజ్జీ అమ్ముడుపోయాడు. ఈ నేపథ్యంలో, ట్విట్టర్ ద్వారా భజ్జీ స్పందించాడు.

'మీ తరపున ఆడబోతున్నందుకు చాలా సంతోషంగా ఉంది. మీ గడ్డ నన్ను సింహంలా తయారు చేస్తుంది' అంటూ తమిళంలో ట్వీట్ చేశాడు. తమిళ పాటలోని ఓ చరణాన్ని ఉపయోగిస్తూ ధన్యవాదాలు తెలిపాడు. భజ్జీతో పాటు ధోనీ, కేదార్ జాదవ్, డుప్లెసిస్, డ్వేన్ బ్రేవో, షేన్ వాట్సన్ తదితర ఆటగాళ్లు చెన్నై జట్టులో ఉన్నారు. ఐపీఎల్ మొదటి పది సీజన్లకు ముంబై ఇండియన్స్ కు హర్భజన్ ప్రాతినిధ్యం వహించాడు.