ఆ రూమ్ అంటే త్రివిక్రమ్ కి సెంటిమెంట్ .. అందుకే ఇప్పటికీ రెంట్ కడుతున్నాడు!

త్రివిక్రమ్ ఒక పూటలో స్టార్ రైటర్ అయిపోలేదు .. ఒక రోజులో స్టార్ డైరెక్టర్ అయిపోలేదు. ఆయన ఈ రోజున వున్న స్థానానికి చేరుకోవడానికి ఎన్నో కష్టాలను ఎదుర్కోవలసి వచ్చింది. అద్దె ఇంట్లో ఆకలి బాధలను అనుభవించవలసి వచ్చింది. ఆ అద్దె ఇంట్లో ఉంటూనే అవకాశాలను అందిపుచ్చుకుంటూ ఆయన ఒక్కో మెట్టూ ఎదుగుతూ వచ్చాడు.

 పంజగుట్టలోని సాయిబాబా ఆలయం సమీపంలోని ఒక ఇంట్లో, సునీల్ .. సంగీత దర్శకుడు ఆర్పీ పట్నాయక్ తో కలిసి ఆయన అప్పట్లో ఇక్కడ అద్దెకి ఉండేవాడు. ఇక్కడే ఆయన ఎన్నో కథలను రాశాడు .. మాటల రచయితగా మార్కులు కొట్టేశాడు. ప్రస్తుతం అగ్రదర్శకుల జాబితాలో కనిపించే త్రివిక్రమ్, విలాసవంతమైన జీవితాన్ని కొనసాగిస్తున్నాడు. అయినా గతంలో తాను అద్దెకి వున్న రూమ్ కి ఇప్పటికీ 5 వేలకి పైగానే రెంట్ చెల్లిస్తూ తనకిందే దానిని ఉంచాడట. అప్పుడప్పుడు అక్కడికి వెళ్లి సరదాగా కాసేపు వుండటం, కొత్త కథలు .. మాటలు అక్కడ మొదలుపెట్టడం చేస్తుంటాడు .. ఆ ఇల్లంటే ఆయనకి అంత సెంటిమెంట్ మరి.